Hálfíslenski sjómannssonurinn Vilhjálmur

Það lá að, að Vilhjálmur prins, sem kvæntur er Kötu litlu frá Miðtúni, væri indverji að langfeðgatali. En látum það nú vera austurlenskan uppruna prinsins. Hitt vita færri, að Vilhjálmur er íslendingur í föðurætt, faðir hans er nefnilega íslenskur sjómaður í húð og hár. Það atvikaðist þannig, að Díana heitin, sem kölluð var prinsessa, var svo stálheppinn að hitta íslenskann sjómann, Arinbjörn Kolbeinsson háseta á togveiðiskipinu Molduxa, á skemmtistað í Grimsby. Og fyrir utan þann skemmtistað, nánar tiltekið í öskutunnuporti, kom Vilhjálmur litli undir. Á meðan það gerðist lá Karl prins  sauðdrukkinn útí rennblautu moldarflagi með Kamillu frillu sinni og vóru bæða klæðalítil við það tækifæri.

Í ljósi þess, að félagi Ólafur Ragnar Grímsson forseti mun að líkindum láta af forsetaembætti í lok kjörtímabils hans, væri sérstaklega gráupplagt að fá hálfíslenska sjómannsyninum, Vilhjálmi prins, forsetatignina í hendur, án málalenginga.

Vilhjálmur Bretaprins indverskur

Athugasemdir

[Níels A. Ársælsson., 15.6.2013 kl. 22:22]

Ha ha ha :-)

[Austmann,félagasamtök, 17.6.2013 kl. 00:20]

Ef Ísland þannig kemst undir brezku krúnuna eftir 3 ár, væri ekki betra að bíða og sjá hvort Bretar hafi kosið sig út úr ESB fyrst. Það þýðir ekkert fyrir þig að reyna að lauma Íslandi inn í ESB-ríkið á þennan lúmskulega hátt.

[Jóhannes Ragnarsson, 18.6.2013 kl. 00:13]

Alltaf sjáið þið samsæriskenningamennirnir, Austmann og co. eitthvað miður geðslegt útúr velmeinandi hugleiðingum hjartahreinna öðlinga.