Styrkþegarnir allir fastagestir á heimili frú Ingveldar og Kolbeins

Eftir myndunum sem fylgja þessari frétt að dæma eru styrkþegarnir sem um er fjallað ákaflega skuggalegt fólk, enda ekki að furða því allir eru styrkþegarnir fastagestir í samkvæmum frú Ingveldar og Kolbeins Kolbeinssonar skrifstofustjóra.

Nú vita allir sem vilja vita, að samkomur á heimili frú Ingveldar og Kolbeins eru vægast sagt mjög vafasamar svo ekki kemur á óvart að þeir sem eru þaulsætnir á þeim beri þess merki í útliti og hegðun. Sá frægi maður Brynjar Vondalykt er talandi dæmi um óhrjálegt útlit þeirra sem stunda fyrrnefnd samkvæmi og undarlegur er hann í háttum og fáránlegur í hvívetna ef glöggt er skoðað.

Og ekki er Óli Apaköttur síðri Vondulyktinni hvað varðar afkáraskap og skreiðarlegt útlit. Frægt var þegar kviknaði í afturendanum á Apakettinum í snörpum gleðskap heima hjá sæmdarhjónunum Kolbeini og frú Ingveldi. Sem betur fer varð þó Apakettinum til bjargar, að gömlum róna tókst að grípa hann og varpa útí snjóskafl að húsabaki og kafnaði þar eldurinn í rassinum á hinum ólánssama Apaketti.

Þessi brostu hringinn