Frá Miðhrauni á Litla-Hraun

Þau tíðkast nú hin breiðu spjótin hjá dómurum við Héraðsdóm Reykjavíkur. Ekki er nóg með að þessir smásálarlegu og óþakklátu dómarar dæmi landskunna landstólpa í fimm og fimm og hálfsárs dýflissuvist, heldur réðust hinir vígreifu dómarar eins og grimmir kjölturakkar á dánumanninn Ólaf Ólafsson stórbónda og Framsóknarmann að Miðhrauni í Miklhotshreppi og dæmdu hann viðstöðulaust í þriggja ára fangelsi og hefir einn vammlaus bóndi ekkii fengið slíkan dóm síðan Jón Hreggviðsson var á dögum.

Við getum öll verið sammála um, að þessir fráleitu dómar eru eitt andskotans reiðarslag fyrir gjörvalla íslensku þjóðina. Mátti víða heyra gráthljóð og ekkasog frá heimilum og vinnustöðum eftir að fréttist af árás dómara Héraðsdóms Reykjavíkur á nokkra af okkar bestu og farsælustu athafnaskáldum.

Það verða trúlega heilmikil viðbrigði fyrir Ólaf stórbónda, skipakóng og þyrlufflugmann, að hverfa frá gulli slegnum búgarði sínum að Miðhrauni og setjast að meðal ofbeldishrotta, perverta, brennuvarga og þjófa á Litla-Hrauni. Má og heita ólíklegt að svo góður maður og Ólafur bóndi betrist svo um muni við að dvelja langdvölum í slíkum stað, innanum annað eins mannval og fyrir er á Litla-Hrauni.

Dæmdur í fimm og hálfs árs fangelsi

Athugasemdir

[Ásthildur Cesil Þórðardóttir, 12.12.2013 kl. 17:49]

Nema málið er að þessir hvítflibbar fara ekki á Litla Hraun, þeir fara örugglega á Grundarfjörð eða nágrennið þar, rétt eins og Johnseninn á sínum tíma.  Ætli þeir hafi áhuga á grjóti?

[Jóhannes Ragnarsson, 12.12.2013 kl. 18:13]

Ónei, Ásthildur Cesil, það kemur ekki til mála, að þessir raftar verði í geymslu hjá okkur á Snæfellsnesi. Á Hraunið skulu þeir fara, á Hrauninu skulu þeir vera, og af Hraunin mnu þeir ekki aftur upp rísa.

[Axel Jóhann Hallgrímsson, 12.12.2013 kl. 18:28]

Jóhannes, þið seljið bara á þá veiðileyfi. Breski aðallinn kaupir þau dýrum dómum, sælir að fá tækifæri til að upplifa sínar úrkynjuðu refaveiðarnar enn einu sinni.

[Ásthildur Cesil Þórðardóttir, 12.12.2013 kl. 18:46]

Vonandi hefur þú rétt fyrir þér Jói minn, en ég yrði ekki hissa þó það yrði Snæfellsnesið sem nyti nærveru þeirra, ef til vill þarf að endurnýja eitthvað annað en dýnur

[Guðjón Sigþór Jensson, 12.12.2013 kl. 23:49]

spurnig hvort Johnseneninn hafi skilið eitthvað eftir af nýtilegu grjóti vestur á Kvíabryggju. Annars er nóg af rusli til að týna saman, þessir menn gætu gert þarflegt að safna því saman, leggja göngustíga, dreifa skít og undirbúa skógrækt, sinna öldruðum og sjúkum og þar fram eftir götunum. Svo gætum við kíkt á hvernig þeir standa sig!

Þessir menn gerðu sparnað tugþúsunda Íslendinga í formi hlutabréfa í Búnaðarbankanum, síðar Kaupþingi og Exista að engu!

[Ásthildur Cesil Þórðardóttir, 13.12.2013 kl. 01:08]

Góð hugmynd Guðjón.