Páll strax kominn í aðra vinnu

Ekki á af Páli Magnússyni að ganga: Hann hafði ekki fyrr látið af störfum sem útvarpsstjóri en búið var að ráða hann sem matrós með sérþarfir og á sérkjörum á eitt af skipum Íshússfélags Vestmannaeyja.

Já, þær eru stundum styttri tengingarnar en menn hyggja.

Og svo er nú það.

Og jammogjæja.

Þegar Máría Borgargagn var á leiðinni á fundinn hjá frú Ingveldi, laust uppúr hádegi, lenti hún í átökum við frakkaklæddan mann með hund í bandi. Og þar eð maðurinn var aðeins í frakkanum einum klæða, dró Máría frakkann uppyfir hausinn á honum, greip í hnakkadrambið á búrtíkinni og barði mannfjandann með henni af heljarafli í klofið. Lágu þeir þar eftir ýlfrandi, frakkaklæddi maðurinn og búrtík hans, en Máría Borgargagn hélt leiðar sinnar eins og ekkert hefði í skorist.

Á sama tíma og Máría átti í höggi við frakkamanninn, lét Kolbeinn Kolbeinsson vel að konu sinni á þann hátt sem honum er einum lagið.

Í dag er semsagt líf og fjör á öllum vígstöðvum Flokksins.

Óhjákvæmilegt að Páll hætti núna