Þau eiga eftir að túttna út af öfund

Ahh, ég held honum veiti ekki af 12 mánaða uppsagnarfresti, aumingjanum svorna, þetta er svoddans Drottins krossberi. Einusinni var svona maður á útileguskipi vestur á fjörðum og þegar öll beitan var búin, þá tóku þeir vininn og notuðu í beitu, brytjuðu hann niður og kræktu bitunum á aunglana. Þegar þeir drógu línuna, sem kauðinn var í bita-bitum á krókunum, var blágóma á hverju járni, og þetta var á fiskimiði þar sem aldrei hafði veiðst blágóma. Með þessu er ég ekki að segja að eigi að brúka Pál, greyskarnið, í beitu, fjarri fer því. Nóg hefur verið á hann lagt, svo ekki verði hann í þokkabót leiddur eins og stagkálfur niður í beituskúr.

En auðvitað eiga illkvittin og illa innrætt roðhænsni eftir að túttna út af öfund út í Pál vegna þessara 12 mánaða. En slík roðhænsni dæma sig sjálf á bálið og verða álitin úrhrök í augum þjóðarinnar.

Þjóðin mun afturámóti fara að elska Pál Magnússon og virða, taka ofan fyrir honum á götu og bera fyrir hann innkaupapokana útúr Bónus og koma þeim vel fyrir í bifreiðinni hans, biðja honum guðsblessunar í bráð og lengd og biðja að heilsa konunni hans.

Páll með 12 mánaða uppsagnarfrest

Athugasemdir

[Helgi Þór Gunnarsson, 20.12.2013 kl. 23:09]

Sæll Jóhannes, þetta er vel skrifað hjá þér. :-)

Kær kveðja frá Eyjum.

[Anna Sigríður Guðmundsdóttir, 20.12.2013 kl. 23:15]

Amen á eftir sannleiksorðinu?

Í Noregi eru svona fallhlífar elítunnar ekki vinsælar samfélags-skattborgara-afætur.

En sinn er siður í hverju landi.

Kallinn Páll verður líklega að borga miðana sína sjálfur í framtíðinni, á beinu útsendingu fótboltaleikjanna, á fréttatímum nefskatts-RÚV, í framtíðinni. Það er líklega ekki auðvelt, með svona lélega öryggisfallhlíf á kostnað skattborgara-ríkisins.

Er ekki annars næg vinna við fiskvinnslu í Vestmannaeyjum? Og meira að segja launuð vinna? Hann þarf ekki einu sinni að fara á atvinnuleysisbætur!

M.b.kv.

[Sigurður Haraldsson, 21.12.2013 kl. 01:02]

Ha ha ha ha góður. Gleðileg jól.

[Jóhannes Ragnarsson, 21.12.2013 kl. 07:02]

Takk fyrir, Helgi Þór.

Jú, Anna Sigríður, Páll ætti auðveldlega að geta fengið vinnu við fiskverkun í Eyjum. Spurningin er, hvort svona miklum mönnum finnst þeir ekki taka niður fyrir sig að fara að vinna í fiski. Svo er óvíst hvort nefið á Páli þolir lykt af fiski.

Gleðileg jól.

[Anna Sigríður Guðmundsdóttir, 21.12.2013 kl. 16:37]

Ef Páll er í fýlu, þá ætti hann að þola að vera í fiskifýlu. Það væri bara alveg í stíl.

Þegar ég er í fýlu-neikvæðni, þá get ég ekki vænst þess að umhverfið sé skárra.

Það á jafnt að ganga yfir alla, segir í Stjórnarskrá Lýðveldisins Íslands.

Annars er ekki gott að vita hvað ræður kjörum hér á siðblindu og hömlulausu dópskerinu lögfræði-ruglaða og Dómstólakirkju-stýrða.

Þeir brenna sig líklega í samviskunni, sem stíga fæti sínum inn fyrir þær óréttlátu Dómkirkju-fordóma-stóla-dyr.

Guð hjálpi þessu villuráfandi falskristnifólki, sem hefur villst af beinu brautinni, og hafnað almættinu sanna, kærleiksríka og réttláta. Enginn þarf meir á blessun almættisins að halda, heldur en þessi Guð-lausa villuvega-valdaklíka, sem hikar ekki við að selja líf og heilsu saklauss fólks, fyrir dópið sitt og villutrú.

M.b.kv.