Þeirra erinda að hýða hann stórhýðingu fyrir óvinsamlegt gjamm og ýlfur

Jahá, alltaf heyrir maður ný og ný undur og stórmerki. Þykist nú minnsti og tannlausasti hvolpurinn í Framsóknarfjósinu vera orðinn slíkur ógnarstór og hræðilegur baskervillhundur að hann geti hrætt sjálfan Gunnar I. Birgisson háyfirborgarstjóra í Kópavogi með sínu veikburða gjammi og ýlfri? Ég er ansi smeykur um að herra háyfirborgarstjóranum muni afskaplega lítið um að sparka þessum fjósamykjulyktandi smáhvolpi útí hafsauga ef hann dirfist að reyna að japla með sínum tannlausu gómum á buxnaskálmum hans. Ég tala nú ekki um ef Gunnar I. myndi stappa fæti ofaná hvolpinn, þá færi hvolpræxnið í þvílíka skítaklessu að hann yrði óþekkjanlegur frá vejulegri kúamykjuslettu.

Jájá, og ekki munar hinu smágerða hvolpspotti að bera uppá háyfirborgarstjórann að hann sé hroðalegur lygamörður og lætur þar með að liggja, að hann sé dómbær á hvað sé sannleiki og hvað lygi. Þeir eru orðnir býsna góðir með sig og hvefsnir núorðið hvolparnir, meðan þeir telja sig í traustri fjarlægð frá óvininum.

En auðvitað er Ommi Steff, hvolpur til heimilis í Framsóknarfjósinu, kominn útá hálan ís. Viðbúið er að sá háli ís muni verða honum að fótakefli og hann eigi eftir að skondrast útí næstu vök, og allir vita hvað það hefur í för með sér fyrir ósyndan og tannlausan hvolp sem nýlega var gotið í fjósflórnum Framsóknarmaddömunnar.

Nú uppú hádegi mun Kolbeinn Kolbeinsson skrifstofustjóri og framsóknarmaður ganga á fund Omma Steff þeirra erinda að hýða hann stórhýðingu til að sýna honum fram á hverskonar reginheimska það er af einum vesölum hvolpi að gjamma og ýlfra óvinsamlega að stórbrotnum stórmennum eins og Gunnari I. Birgissyni háyfirborgarstjóra Kópavogs.

„Næst verður svarað með kæru“

Athugasemdir

[Anna Sigríður Guðmundsdóttir, 16.1.2014 kl. 18:43]

Samherjarnir Ármann og Gunnar? Eða Guðríður siðferðis?

Maður veit nú bara ekki hvað maður á að halda, um þessa innistæðulausu steinsteypu siðblindra valdasjúklinga og framafíknar-sjúklinga? Líklega af öllum kynjum? Breyttum og óbreyttum?

Hvernig á að hjálpa svona siðblindum og villuráfandi valdasjúklingum, sem hafa verið hugsjóna-gerilssneyddir snemma á lífsmennta-ferli sínum, af Íslands-menntakerfi OECD?

M.b.kv.

[Jóhannes Ragnarsson, 16.1.2014 kl. 19:27]

Eina gagnið sem hægt er að hafa af þessu liði er að skemmta sér yfir tiltektum þeirra.