Slepjulegir hundaklyfberar yfirstéttarinnar í hanaslag

Það setur velgju að öllu venjulegu alþýðufólki þegar slepjulegir hundklyfberar borgarastéttarinnar hefja málaferli gegn hverjum öðrum vegna þess sem þeir kalla ,,ærumeiðingar" og eða ,,mannorðsmeiðingar" og heimt að eitthvert bölvað kjaftæði sé dæmt dautt og ómerkt. Þessi íþrótt mektarmanna borgarastéttarinnar er í senn rammfölsk og innihaldslaus, enda er svokallað mannorð einungis pípuhattur skinhelginnar og ekki brúklegt öðrum en sjálfumglöðum yfirstéttarmórum.

Að dómstólar skuli þurfa að taka slíkar vífilengjur, hártoganir og prum fyrir  sem dómsmál er auðvitað fyrir neðan allar hellur. Ef hundaklyfberar yfirstéttarinnar telja sig eiga eitthvað sökótt hverjir við aðra, ættu þeir að útkljá sín einskisnýtu deiluefni með hnefunum eða skora hverja aðra á hólm í pístólueinvígi. En einvígi silkihúfuhottintotta hafa þann kost, að ef annar hólmgöngumanna fellur er það ágóði fyrir þjóðfélagið og helmingi meiri ágóði ef báðir falla með skömm, en slíkir hólmgöngu menn falla undantekningarlaust með skömm.

Sannleikskorn og sandkorn DV

Athugasemdir

[Anna Sigríður Guðmundsdóttir, 16.1.2014 kl. 17:17]

Æi, hvað þetta DV-mál er vandræðalega afhjúpandi fyrir hversu lítið sandkorn af sannleika, kemur yfir höfuð fram hjá Alþjóðabanka-áróðursritinu DV.

Nú held ég að Vilmundur Gylfason, sá heiðursmaður, (blessuð sé minning hans), sé ekki ánægður með aðferðirnar sem bróðir hans notar.

Jón Steinar er reyndar sá dómarinn sem ekki þótti nógu góður fyrir Alþjóðabanka-mafíuna. Það eru meðmæli með honum, hvað sem annars má segja um þetta mál allt.

Alþýðufólkið á Íslandi og víðar í veröldinni, hefur áhyggjur af öðru frekar þessa dagana, en svona hártogunum.

Eins og til dæmis sölu íslenskra frystitogara til Grænlands, sem skattborgarar hafa niðurgreitt skuldir hjá fyrir söluna. Sölu-hagnaðurinn af viðskiptunum fer að sjálfsögðu í vasa sjálftöku-útgerðarkónga. Kónga, sem hafa nú stofnað fyrirtæki á Grænlandi, með skammarlega illa launuðu starfsfólki. Þeir þurfa nefnilega kannski/jafnvel að borga fyrir veiðiheimildirnar við Grænlandsstrendur?

Þeir hljóta að þurfa að flytja með sér minnst einn Landsbanka, ef ekki fleiri? Aumingja útgerðar-glæpakóngarnir á Íslandi?

Þorvaldur Gylfason og Jón Steinar Gunnlaugsson fá nú bara vængi, miðað við svona AA=(afætu-afbrotamafíu)-kónga.

En DV kemur með mikilvæga "sannleikann", eða er það ekki? Ekki lýgur DV? Þessi "vandaði" eineltis-fjölmiðill Gróu á Leiti? Það kom að því að sú fræga DV-slúðurkerling djöfulsins, varð heimsveldislöggu-alþjóðabanka-gagn. 

Þvílíkur DV-heimsglæpalöggu-heiður, eða þannig?

  

M.b.kv. 

[Jón Valur Jensson, 17.1.2014 kl. 00:38]

Skrifað geturðu um þetta, Jói minn, háðskur og í hálfkæringi, en hitt máttu vita, að það er og verður ekkert mark tekið á þessari nálgun þinni á málið.

Þú hefur gert betur en þetta.