Minnir á óráðsþrugl langdrukkinnar vandræðakonu

Kosningastefnuskrá Sjálfstæðisflokksins í Reykjavík fyrir borgarstjórnarkosningarnar í vor virkar á allt sæmilegt fólk eins og hneykslanlegt óráðsþrugl langdrukkinnar vandræðakonu. Hæstum hæðum nær óráðsþruglið í heitingum þessa útjaskaða flokksskriflis um að leyfa einkavæðingarhýenunum að ráðast á skólakerfið og sölsa það undir sig. Þetta ógeðuga kosningaloforð ætti eitt og sér að duga til að koma Sjálfstæðisflokknum vel niður fyrir 5 prósenta fylgi, ef kjósendum ber gæfa til að átta sig á fyrirhuguðu glæpaverki.

Aðrir póstar á fyrirætlunarlista Sjálfstæðismanna í Reykjavík eru eru sama marki brenndir og ætlunarverk þeirra í skólamálum, enda leggur óþefinn af þeim langar leiðir eins og af dragúldnu hvalshræi. Það fer ekki á milli mála, að þeir sem sömdu þetta kynduga listaverk, eru ekki beinlínis alveg uppá rönd; sennilega hafa þeir verið að drekka tréspíritus og hristing þegar þeir vóru að sjóða ófögnuðinn saman.

Hér áður og fyrr var Sjálfstæðisflokkurinn virðulegur hægfara hægriflokkur sem vart mátti vamm sitt vita. Í dag er þessi sami flokkur líkastur aldurhnignum og geggjuðum óreglumanni, sem búinn er að gera svo vasklega í brækur sínar að meira kemst þar ekki fyrir. Upphafið að endalokum þessa fyrrum virðulega flokks hófst með nýfrjálshyggjusturlununni sem á hann rann á tíunda áratug síðustu aldar. Allar götur síðan hefur Sjálfstæðisflokkurinn ekki verið í öðrum húsum hæfur en þeim sem geyma hættulega vitfirringa. En nú er mál að linni með því að kjósendur taki sig til og gefi út dánarvottorð á Sjálfstæðisflokkinn í næstu sveitar- og alþingiskosningum.

Ótrúleg tækifæri í skólamálum

Athugasemdir

[Örn Ingólfsson, 18.4.2014 kl. 00:58]

Jæja loksins kom einn maður með viti og þá er kominn tími til að aðrir tilvonandi kjósendur til sveitastjórna lesi þetta og því miður þá voru svo margir með gullfiskaminnið sem kusu yfir sig þetta sem á að heita ríkisstjórn og eru farnir að labba með veggjum það er að segja kjósendur Íslandshrunsins! Vonandi gera kjósendur sér grein fyrir loforðum flokkanna í bæjar og sveitarkosningum og framselji ekki kvótann til ýmissa græðgisfélaga sem fengu byggðarkvóta frítt! Og skilja byggðarlög í rúst eins og hefur verið með vissa pólítíkusa sem hafa stutt vissa flokka sem hafa ráðið í vissum bæjarstjórnum. 

Og líka í þingkosningum að vissir flokkar hafa gefið vildarvinum ansi mikið af þorskígildistonnum á meðan að ónefndur maður innan viss flokks var einhver ráðherra.

Og einhver fyrirtæki fengu afskrifaða milljónahundruði en ekki almenningur!!!

Skrýtið á meðan að fólk er borið út þá lifa þessir kallar og kjéllingar fínu lífi með nefið upp í loft og gefa skít í okkur hin!!