Í fréttinni hefir gleymst að geta merkasta þáttar heimsóknarinnar

Við samningu fréttarinnar um hingaðkomu Viktóríu prinséssu hefur af ókunnri ástæðu gleymst að geta merkilegasta þætti heimsóknar hennar til oss íslendinga. Það vill nefnileg svo vel til, að Viktóría og maður hennar Daníel munu sitja kveld- og nætursamkvæmi að heimili frú Ingveldar og Kolbeins Kolbeinssonar. Það er vel við hæfi vegna þess að áminnst hjón eru einhverjir dægilegustu gestgjafar sem þjóðin hefir alið.

Samkvæmt greinargóðum upplýsingum mun samkvæmið hefjast með snörpum fordrykk, síðan steik með ræðuhöldum. Að lokum verða bornir fram eftirdrykkir af fjölmörgum tegundum ásamt með hressandi hvítu dufti á speglabrettum og skildugum rörum til sogs.

Viðbúið er að frú Ingveldur og Kolbeinn maður hennar verði í feyknaformi þegar kemur að heimsókn Viktóríu og Daníels, enda eru þau vel heit eftir harðsnúna kosningabaráttu. Frú Inveldur barðist að venju eins og ljón fyrir Sjálfstæðisflokkinn, sendi sms-skeyti í þúsundatali, fjölda tölvupósta og hringdi ótal vafagemlinga og svikara og hótaði þeim öllu illu ef þeir drulluðu sér á kjörstað og kysu Sjálfstæðisflokkinn, það yrði nefnilega fylgst með þeim. Kolbeinn Kolbeinn skrifstofustjóri sló afturámóti í klárinn hjá Sjálfstæðisflokknum, en hann er sem kunnugt er stjórnarformaður skuggaráðuneytis Framsóknarmaddömunnar. Það var til dæmis Kolbeinn Kolbeinsson sem ákvað leiftursókn Framsóknar á moskur og múslima, útbjó kosningaloforðin góðu og safnað hátt í milljarð af krónum hjá góðu fólki í áróðurssjóð flokksins svo hægt væri að auglýsa fyrirtækið í öllum fjölmiðlum þangað til kjörstöðum var lokað. Er mál framsóknarmanna, að í kosningabaráttunni hafi Kolbeinn gert að meðaltali 2,96 kraftaverk á dag.

Ekki þarf að efa að Viktóría og Daníel munu kynnast mörgum velútfærðum nýjungum í samkvæmi frú Ingveldar og Kolbeins, ekki síst þegar buxnaleysisþáttur veislunnar hefst. Brynjar Vondalykt, Óli Apaköttur og Haffi Frænka munu verða veislustjórar og þjóna til borðs í byrjun, en svo mun allt renna smurt eftir náttúrunnar tilbrigðasfrjóa gangi.

Viktoría prinsessa til Íslands