Ólafur bóndi og kona hans voru næstum dáin af herbalifeneyslu

Fyrir nokkrum árum tókst ósvífinni kvendræsu, að glepja Ólaf bónda að Stóru-Haugum til að kaupa af sér mikið magn af óþverranum Herbalife með því að ljúga að honum, að ef hann tæki inn þennan viðbjóð myndi heilsa hans batna til mikilla muna og hann yrði fjörugur eins og spikfeitur heimilishundur á lóðaríi. En það sem réði samt úrslitum um að hann sló til og keypti óþverrann fyrir háa peningaupphæð, var óljóst loforð hinnar ósvífnu konu þess efnis, að hann kæmist ef til vill ofan í buxurnar hjá henni ef hann myndi verða duglegur að éta uppúr herbalife-dunkunum, sem hún prangaði inn á hann af fullkomnu samviskuleysi.

En þegar Ólafur bóndi fór að éta ,,fæðubótarefnið" herbalife á hverjum degi, brá svo við, að hann fór að hafi stöðugar magakvalir og ægilegan niðurgang og fylgdi því megn og eitraður óþefur svo Ólafi bónda og konu hans sveið í augun eins og saltsýru hefði verið hellt í glyrnurnar á þeim.

Ólafur bóndi sá af hyggjuviti sínu, að við svo búið mátti ekki standa. Því var það, að hann prófaði að gefa hrútunum herbalife-ið ásamt einni mjólkurkú, sem var mannýg. Það skifti heldur engum togum, að morguninn eftir að hrútarnir og kýrin átu hið fræga og fjörgandi fæðubótarefni, lágu þau öll steidauð og stirðnuð þegar að var komið.

Þegar konan, sem seldi hrebalife-ið, hringdi nokkrum vikum seinna í Ólaf bónda, hótaði hann að skjóta hana eins og dýrbít, ef hún léti nokkrusinni sjá sig á hans landareign aftur. Og þar við situr.

Herbalife hækkar eftir hótanir