Berrössuð í kapítalíska hundakapphlaupinu

Þegar tannlausa búrtíkin hans Steingríms lufsast af þingi og gerist sendiherra í Kúagerði í boði framsóknaríhaldsins tekur eitt af þessum liðónýtur dekurdýrum áðurnefnds Steingríms sæti á Alþingi, sem er vel við hæfi því VG er liðónýt klíka og vita tilgangslaus, hugsjónalaus og berrössuð í kapítalíska hundakapphlaupinu. Það er enginn vafi á, að Steingrímur, búrtíkurnar, dekurdýrin og undanrennulýðurinn í VG eru vel upp með sér að hafa gengið af skipulagðri vinstripólitík dauðri á Íslandi með sóðalegri framgöngu sinni og fylgispekt við auðvaldið og arðræningjana. Ef einhverjir eiga skilið voldugt afgerandi spark í rassgatið, þá er það þessi subbulegi félagsskapur loddara og aftúrúrsiglara.

Þegar hinn hörmulegi flokkur Steingríms, Ögmundar, Álfheiðar og Svavars Sendiherra verður innan skamms borinn steindauður til grafar, mun líkfylgdin standa saman af fáeinum glottandi kvótagreifum og nokkrum slefandi peningahyggjupervertum og erfidrykkjan fara fram á skrifstofu útgerðarfélagsins Samherja.

Steinunn tekur sæti Árna

Athugasemdir

[Skarfurinn, 31.7.2014 kl. 13:33]

Andskoti finnst mér nú skítt að Árni lætur kjósa sig til 4 ára starfa á alþingi en hverfur svo núna, þetta kallast svik við kjósendur.

[Jóhannes Ragnarsson, 31.7.2014 kl. 14:30]

Hann er vanur svíkja, endemið atarna, það er hans pólitík. Svo er auðvitað gott fyrir alla að losna við garminn.