Skepnutegundin ,,hægrimenn" geta ekki lært að hjóla

Voðalegur þvættingur er í þessum Klaus formanni dönsku hjólreiðasamtakana. Heldur þetta mannkerti, að íslendingar séu svo nautheimskir og illa upplýstir, að hann geti komið hingað og logið hvaða dellu sem er að þeim? Telur hann virkilega, að við hér uppi á Íslandi gerum okkur ekki grein fyrir og höfum ekki tekið eftir því að hægrimenn hafa aldrei getað lært að hjóla? Því er nefnilega þannig varið með skepnutegundina ,,hægrimenn" að hana skortir bæði vit og jafnvægi til að geta hjólað, sökum efnabrenglunar í kvörnunum á þeim. Hægrimenn, sem hafa reynt hjólreiðar, hafa allir sem einn farið sér að voða, lent undir bílum, runnið á girðingar og stungist á hausinn inná lóðir eða hreinlega oltið á hliðina, við að komast á bak, og handleggs- eða höfuðkúpubrotnað.

Öllum mun vera í fersku minni þegara einn graðbeittasti hægrimaður landsins klifraði uppá hjólhest og rann stjórnlaust niður brekku þar til hann rakst á aldraða konu, sem því miður beið bana við höggið. Til stóð að vista umræddan hægrigæðing á vitlausraspítala eftir þetta asnaspark, en þá greip Flokksforystan til sinna ráða og afstýrði því; þeir gátu ómögulega sætt sig við að þessi gimbrarlegi blárass fengi kleppsstimpil á sig.

Hjólreiðar ekki mál vinstri manna

Athugasemdir

[S i g u r ð u r S i g u r ð a r s o n, 19.9.2014 kl. 17:31]

Þú virðist nú vera svo brjálaður í skapinu að maður þorir varla að benda á þá einföldu staðreynd að ég hjóla í og úr vinnu daglega. Og ekki hef ég hingað til verið sakaður um vinstrimennsku. Hins vegar getur lýsingin þín um vitskort ágætlega við mig en jafnvægið er ágætt þó hvorki sé ég jafnaðarmaður né ójafnaðarmaður.

[Jóhannes Ragnarsson, 19.9.2014 kl. 17:58]

Þú ert nú líka alræmdur vinstrimaður, Sigurður minn, svo það er ekkert undarlegt við það að þú getir hangið næsta skammlaust á reiðhjóli.

[Ásgrímur Hartmannsson, 19.9.2014 kl. 18:19]

Þetta er bara öfund í þér því þú hefur ekki efni á bíl, vegna þess að þú ert allt of húðlatur til þess að nenna að vinna.

[Jóhannes Ragnarsson, 19.9.2014 kl. 18:25]

Hvaða og hvers öfund ert þú að tala um hér, hr. Hartmannsson?

[Vilhjálmur Stefánsson, 19.9.2014 kl. 19:20]

Jóhannes,þú ert Dásamlegur.Ég er Hægrimaður get ekki hjólað ég verð ruglaður í Höfði að reina það........

[Jóhannes Ragnarsson, 19.9.2014 kl. 21:47]

Neinei, Vilhjálmur, þú getur ekki hjólað ef þú er hægrimaður, það er bara útilokað.