Þá stofnum við alþýðuher

Ef það er rétt, að yfirstéttin hafði ákveðið að vígvæðast og færa lögreglunni sinni í höndur vélbyssur, hentugar til að slagta fólki, þá er vart um annað að ræða fyrir alþýðu þessa lands en að skrapa saman öllum tiltækum byssuhólkum og stofna alþýðuher til að takast á við her yfirstéttarinnar.

Það verður mjög gaman að lesa fyrirsagnir fyrirsagnir virðulegra blaða, sem gætu hljóðað eitthvað á þessa leið: ,,Herdeild Sannra Íslendinga felldi í gærkvöldi átta hryðjuverkamenn í Breiðholti". Ekki væri þó síður ánægjulegt að sjá fyrirsögn í ögn óvirðulegra blaði, sem liti þannig út: ,,Alþýðuherinn búinn að hrekja megnið af her yfirstéttarinnar uppá miðhálendið en afganginn af honum í sjóinn."

„Þetta er drápstæki“

Athugasemdir

[Ásgrímur Hartmannsson, 21.10.2014 kl. 16:18]

Ég hélt að þið kommarnir stydduð einmitt að einungis yfirvaldið fengi að vera vopnað. Alveg eins og í CCCP hér í denn.

Spes.

[Jóhannes Ragnarsson, 21.10.2014 kl. 17:18]

Þetta er ekkert spes. Við kommarnir styðjum ekki vopnaða lögreglu hinnar kapítalísku yfirstéttar.

[Guðmundur Ásgeirsson, 21.10.2014 kl. 17:28]

Vér fullveldissinnar styðjum hvorki vinstri né hægri fasisma, og lítum á stéttir sem slétta fleti til þess að ganga eftir, fram en ekki afturábak.

[Jóhannes Ragnarsson, 21.10.2014 kl. 17:35]

Hmmm ... við könnumst við hvernig borgarastéttin brúkar verkalýðsstéttina til að traðka á.

[Ásgrímur Hartmannsson, 21.10.2014 kl. 18:38]

Hér í eyjum er verkalýðurinn borgararnir.

[Jóhannes Ragnarsson, 21.10.2014 kl. 18:47]

Miðað við fylgi Sjáfstæðisflokksins í síðustu bæjarstjórnarkosningum í Eyjum, er einsýnt að hluti verkalýðsins telur sig til borgarastéttarinnar, styður hana að minnstakosti.

Annars væri ef til vill betra að nota oðið ,,burgeisastétt" í stað ,,borgarastétt" af þeirri ástæðu, að orðið borgari hefur orðið almenna merkingu. En þeir sem hafa gluggað eitthvað í sósíalísk rit vita vel hvað átt er við með ,,borgarastétt."