Svona eiga sýslumenn að vera

Skohh Bjarna Ben, sá lætur nú ekki helvíska læknaþrjótana vaða yfir sig. Í dag sagði hann skotturunum að líta í eigin barm og í kvöld mun hann segja þeim að gægjast uppí eigin þarm. Svona eiga sýslumenn að vera. Og í nótt, þegar Bjarni Ben verður farinn að dansa á stofugólfinu hjá frú Ingveldi og Kolbeini Kolbeinssyni, ætlar hann að sverja við nöfn heilags Oddssons og heilags Ásgrímssons, Miltons Fríedmans og Söru Palín, að troða læknaskepnunum með óvægnu handafli uppí sjálfs þeirra þarm. Þá verður klappað og hvíað í stofunni hjá frú Ingveldi og Kolbeini og Brynjar Vondalykt og Máría Borgargagn munu svifta sér úr nærbuxunum og stinga þeim uppí nasirnar á Indriða Handreði.

Og hvað verður um læknanna þegar búið verður að hafa endaskifti á þeim troða þeim í botninn á sjálfum sér? Jú, þeir verða einkavæddir og allir verða svo undur glaðir, jafnt læknar sem Bjarni, Framsóknarmaddaman og frú Ingveldur.

Læknar horfi í eigin barm

Athugasemdir

[Helgi Ingólfsson, 1.1.2015 kl. 14:34]

Gleðilegt ár, frændi. Giska flottar myndir, sérstaklega sú efri þar sem vargfyglið minnir á stærð fuglsins Rok úr 1001 nótt. Og býsna kröftugt myndmál í endaskiptum læknanna! Ég hjó eftir því í áramótaræðu forsætisráðherra að hann telur heiilbrigðismálum vera best komið á Íslandi í öllum heimi, sérstaklega ef menn hugsa um heilsu sína sjálfir! Er ekki alls staðar verið að búa okkur undir einkavæðingu heilbrigðisþjónustunnar - dýrasta útgjaldaliðs ríkisins?

[Jóhannes Ragnarsson, 2.1.2015 kl. 23:39]

Já gleðilegt ár frændi.

Það þarf ekki að fara í grafgötur með að einkavæðing heilbrigðiskerfisins er handan við hornið. Ávinningurinn af slíkum glæp getur varla verið neinn annar en að fáeinir einstaklingar með brasknáttúru græði peninga á fyrirtækinu.