Aumingja kvótakarlarnir og erfingjar þeirra.

Þessi niðurstaða kemur ekki á óvart, nema að því leyti að til sé fólk, fátt að vísu, sem telur að frumvarpsnefnan GeirJóns hafi aukið mjög traust manna á ríkisstjórninni. Og hverjir ætli það séu sem öðluðust þetta aukna traust á sínum mönnum, varðhundum kvótakerfisins, sem ætluðu að gera sér hægt um vik og skíta í stjórnarskrána? Það kæmi mér ekki á óvart, að þar séu á ferð talíbanískir kvótahandhafar og erfingjar þeirra. Í því sambandi verð ég að gera þá játningu, að eitt það skemmtilegasta sem ég heyri, eru skrækirnir í litlu kvótaerfingjunum þegar þeir taka sig til að verja kvótakerfið og kvótan ,,hans pabba" og verða klökkir og vöknar um augu ef talið berst að óhjákvæmilegum breytingum á kerfinu, sem í þeirra huga er fyrir löngu orðið að tryggingu fyrir réttmætu erfðagóssi þeim til handa þegar ,,sá gamli" verður úr heimi hallur. 

Meirihluti telur frumvarp um þjóðareign hafa dregið úr trausti á stjórninni

Athugasemdir

[Ásthildur Cesil Þórðardóttir, 31.3.2007 kl. 01:27]

Jamm sér er nú hvað ætli kjósendur opni augun í þetta skiptið ?