Sauðagæra auðvaldsúlfsins.

Þau er vissulega uppskrúfuð af málæði og yfirborðsmennsku ályktunardrögin sem leggja skal fyrir landsfund Sjálfstæðisflokksins. Undir yfirskini áferðarvænna stílbragða, glittir samt hvarvetna í eyrun og trýnið á auðvaldsúlfinum og hans kaldhömruðu markaðs- og gróðahyggju.

Það  er ástæða til að vara fólk við villidýrseðli Sjálfstæðisflokksins, uppskafningu hans og hræsni.

Sjálfstæðisflokkur stefnir að frekari skattalækkunum

Athugasemdir

[Þórdís Bára Hannesdóttir, 9.4.2007 kl. 17:53]

Það verður að stöðva þessa menn áður en þeir fara endanlega með þetta land til .......

[Jóhannes Ragnarsson, 9.4.2007 kl. 18:15]

Íslensku verkafólki verður ekki meira úr peningunum í dag en í tíð síðustu vinstristjórnar - sennilega minna ef eitthvað er.

[Kári S. Lárusson (IP-tala skráð) 9.4.2007 kl. 19:08]

Sæll Jóhannes.

þetta er flottur pistill af frábæru tilefni.

Og stílbrögðin hrein snilld. Vottar hvorki fyrir málæði, uppskafningu né hræsni.

En veiztu annars Jóhannes að heildarhagnaður viðskiptabankanna þriggja var 160 milljarðar árið 2006 á móti 125 milljarða heildarútflutningsverðmæti íslenzkra sjávarafurða.

Manstu kannski hvaða flokkur beitti sér aðallega fyrir einkavæðingu bankanna.

Kannski ættir þú líka að íhuga hverjir voru á móti og hvaða afleiðingar það hefði haft fyrir ríkiskassann ef þeir hefðu fengið vilja sínum framgengt.

Kveðja,

[Jóhannes Ragnarsson, 9.4.2007 kl. 19:40]

Ég man, t.d., að Framsóknarflokkurinn var upphaflega á móti einkavæðingu bankanna. Það fór nú eins og það fór; sögðu nei, og sátu hjá, en síðast já við öllu, sem er víst hefbundið vinnulag hjá blessaðri Maddömunni.

Það þarf varla að undra, þó bankarnir skili eiendum sínum miklum gróða miðað við manndrápsvextina sem þeir sópa til sín. Bankarnir hafa aldrei náð að smeygja sínum ágjörnu fingrum eins rækilega ofan í vasa alþýðufólks enda hefur góðærinu verið heldur betur misskipt síðustu árin. Ég er hræddur um, að einkavæðing viðskiptabankanna hafi ekki skilað alþýðu manna öðru en auknum byrðum.