Áferðarfallegri ramma ...

Rétt í þessu var að berast frétt þess efnis, að hópur pólitískra fjárfesta, með frú Ingveldi, Kolbein Kolbeinsson framsóknarmann, Brynjar Vondulykt, Óla Apakött, Máríu Borgargagn og Indriða Handreð í farabroddi, væri í þann veginn að skora á maddömu Nordal að gefa kost á sér í varaformanninn. Ennfremur skorar sam fólk á Hönnu Birnu Kristjánsdóttur að bjóða sig fram til formanns á landsfundi Sjálfstæðisflokksins. Þar með er ljóst, að allir rýtingar eru á lofti innan alræmdustu auðvaldssamtaka landsins, og er það vel.

Þá má og geta þess, pólitísku fjárfestarnir hafa óformelga lofað, að grafa svo hressilega undan núverandi formanni Flokksins, að hann muni falla óforvandis beint á nefið ofaní hlandforina og að pólitísk saga hans verði greftruð í sjálfum Framsóknarfjóshaugnum. Eru þetta fjarska góð tíðindi fyrir þær fáu hræður, sem enn eru á mála hjá Flokknum, og ku þær enda strax vera farnar að fagna góðum sigri yfir Engeyingum.

Kolbeinn Kolbeinsson á annasama daga framundan, því hann þarf að leggja á ráðin í tveimur auðvaldskreðsum samtímis. Markmið hans er, að sópa nokkrum leiðindaskörfum og óvitum útúr ríkisstjórnarflokkunum í þeim tilgangi að skapa áferðarfallegri ramma utanum ríkisstjórnina.

Ólöf tjáir sig ekki um áskorun