Bragð er af þá barnið finnur (í þessu tilfelli viðbjóðslegt óbragð)

Þegar útlendingaeftirlit auðvaldsflokkanna í ríkisstjórninni hefur gengið svo fram af þjóðinni með ruddaskap og mannúðarskorti, að jafnvel börnin sjá sér ekki annað fært en að efna til mótmælagöngu til að andæfa fúlmennskunni, er líklega kominn tími til fyrir auðvaldsstjórnina að pakka saman og snáfa útí hafsauga með rasismann og útlendingaeftirlitið í farteskinu.

Í nótt eignaðist hin forherta ríkisstjórn okkar heilan banka, sem hún ætlar að færa vinum sínum og vandamönnum að gjöf í sömu andrá og sömu vinir og vandamenn fá Landsbankann á gullfati frá ríkisstjórninni til að braska með og blekkja fólk. Það er vonandi að lýðurinn, alþýða Íslands, taki nú uppá því að ranka við sér úr framsóknaríhaldsrotinu og láti til sín taka á eftirminnilegan hátt, áður en strengjabrúður auðvaldsins og arðræningjanna ná að vinna þau spjöll, sem þau eru nú þegar búin að ákveða að hrinda í framkvæmd.

Það er nákvæmlega sama hvert litið er á Íslandi í dag, alstaðar blasir niðurrif og græðgi íhalds- og framsóknarpéníngaperrana við. Það er eins og þessi ömurlegi villilýður fái aldrei nóg í andskotans auðvaldsbelginn á sér. En þegar byltingin birtist eins og frelsandi engill frá Guði, þá er eins gott fyrir þessa þorpara og heybrækur að leggja á flótta, slíka óhemju elds, sem þær hafa safnað kringum höfuð sér.

Bjóða flóttafólk velkomið