Miðvígstöðvapróblem og standpínuverkfæri.

Ég geri ráð fyrir, að í þessu tilfelli hafi drenghænsnið verið að sendast fyrir pabba sinn eða afa, en hafi brostið kjark mæta afgreiðslufólkinu augliti til auglitis og haft því þennan háttinn á. Það er meir en skiljanlegt að átján ára karlmenni vilji ekki láta nokkurn mann sjá að hann sé að kaupa standpínuverkfæri því þar með er hann nánast að opinbera að hann sé fáránlegur gallagripur þegar kemur að hraustlegum bólförum.

Ef það hinsvegar raunin að drengurinn sé af einhverjum ástæðum fatlaður á miðvígstöðvunum, er það náttúrlega átakanleg staða fyrir mann á hans aldri. Það getur hver séð sjálfan sig í þeim sporum. En það góða við þetta, það er segja ef höfuðpersónan í málinu á við neðanbeltisvandamál að etja, er að það er hugur í pilti þrátt fyrir allt, annars hefði hann ekki tekið áhættuna sem því fylgdi að brjótast inn til að nálgst áhaldið sem hann girntist .

Svo maður ræði nú málefni sem þetta á víðari grundvelli, þá hefi ég sannspurt að svokallaður stinningarvandi herji einna helst á útlifaða ellibelgi og of drukkna menn, og má segja að af slíku séu til allmargar ömulegar frásagnir. Hver man t.d. ekki gamla skrögginn sem lét sig hafa að lokka digran kvenmann í fullu fjöri upp í til sín, en brást svo bogalistin þegar á hólminn var komið og allt fór í handaskolum og eina niðurstaðan var svívirðingaflóð sem kvenmaðurinn hellti yfrum kallskrögginn. Það sér hver maður, að hefði sá gamli átt í fórum sínum standpínuhvetjandi verkfæri, hefði hann áreiðanleg ekki kallað yfir sig reiði pilsvargsins og fautaskap.   

Ásælist hjálpartæki ástarlífsins

Athugasemdir

[Vilhelmina af Ugglas, 15.5.2007 kl. 20:43]

Kynhvötin er margslungin. Af hverju er í lagi að gera háð ("drenghænsnið") að kynhneigð ungs drengs en bannað að hæðast að hommum og lespíum?

Hver er munurinn? Sorry Stína!

Ég bara spyr?

[Brynja Hjaltadóttir, 16.5.2007 kl. 22:06]

Bara þræða pípuhreinsara í rækjuna og málinu reddað. Flest skárra en að láta taka sig með allt á hælunum við að ræna svona dóti.

[Valla, 17.5.2007 kl. 19:18]

Sæll Jói.

Alltaf jafn gaman að lesa ritdóm þinn.  Nú er stjórnin fallinn  hvað finnst þér um það??

[Jóhannes Ragnarsson, 17.5.2007 kl. 19:45]

Farið hefur fé betra en FramsóknarÍhaldið. En það er ekki þar með sagt að SamfylkingarÍhaldið verði nokkuð skárra, gæti jafnvel trúað að það verði verra.