Stórbrotinn listamaður sameinar japanann og kallinn á kassanum

Eflaust muna einhverjir eftir japanska kallsauðnum, sem kom hingað á listahátíð um árið  og sló í gegn með því að vappa um Austurstræti berrassaður, en með dálítinn léreftstranga vafinn um blessaðan sköndulinn sinn. Skjaldan hefir annar eins aufúsugestur og þessi japanski grallari heiðrað okkur Íslendinga með nærveru sinni og hafi listahátíð einhverju sinni boðið uppá alvörulistamann í ofurflokki þá er það þessi geðþekki japani. Hér fyrr á árum, áttum við þjóðþekktan náunga, sem kallaður var ,,kallinn á kassanum", en hann stóð uppi á kassa í Lækjargötu, og ef til vill Austurstræti líka, og boðaði mönnum skikkanlega hegaðan til að losna við þau óþægindi að lenda í klónum á Djöflinum í Helvíti eftir dauðann.

Nú hefir oss loks borið sú gæfa að höndum, að upp er risinn íslenskur stórlistamaður, sem á afar snjallan hátt hefir gert sér hægt um vik og sameinað í einu listaverki bæði berrassaða japansmanninn með léreftið á tillanum og kallinn á kassanum. Okkar merki listamaður og hraðrísandi ástmögur þjóðarinnar, sem heitir víst Almar og er Atlason, hefir nefnilega skriðið fullstrípaður inní glerkassa og ætlar að láta þar fyrirberast í heila viku nú á aðventunni. Um listrænt gildi Almars og glerkassans efast aungin maður og konur verða forlyftar við það eitt að horfa á hann og fá fiðring um sig frá knjám og uppað nafla.

Því miður hafa ekki allir landsmenn sýnt Almari listamanni þá virðingu sem honum ber. Raunar er aðeins um einn eistakling að ræða, sem sýnt hefir list hins stórbrotna listamanns skammarlegan dónaskap, en það er sá ókræsilegi bófi, skrifstofustjóri og framsóknarmaður Kolbeinn Kolbeinsson. Kolbeinn þessi, sem þjóðin elskar af einhverjum ástæðum, átti sem sé leið framhjá nakta Almarnum í glerkassanum og æstist allur upp. Þegar hann hafði virt listaverkið stundakorn fyrir sér með sínum drukknu glyrnum, renndi hann niður buxnaklaufinni og mé yfir kassann af öllu afli með reistum brandi svo glerið varð alvott af þessum brúngula vökva, sem verður til í blöðru hans af botnlausri áfengisneyslu. 

Nakinn í kassa: dagur 2

Athugasemdir

[Kristbjörn Árnason, 1.12.2015 kl. 21:39]

Þessi lambhrútur sýnir sig á réttum tímapunkti og væntanlega vonast hann til að fá að koma við í fjárhúsunum þegar líður á mánuðinn.

Þetta hlýtur að teljast vera athyglissýki á hæsta stigi. Hann hlýtur að vera svona stoltur af heimilistækjunum 

[Jóhannes Ragnarsson, 1.12.2015 kl. 21:46]