Vel launuð hafnarvinna er eftirsótt og komast færri að en vilja

Loksins kom að því að útskipunarvinna varð hálaunastarf og eftirsótt af fólki sem ekki hreyfir litlafingur nema það hafa margar milljonir á mánuði í laun. Það er ekki nema dásamlegt að verða vitni að því að glorulegir milljonúngar eins og Rannveig Rist og aðrir af hennar kalíberi skuli streyma fram á kæjann til að skipa út og komast víst færri að en vilja, og liggur hvað eftir annað við handalögmálum því allir milljonúngarnir vilja í útskipun um þessar mundir.

Nú ku frú Rist, sem er undir miklum áhrifum frá frú Ingveldi, vera búin að fylla heilt skip af vörum til útflutnings og mun dallurinn brátt láta í haf með hróður hennar gráleitan til framandi landa. Það skiftir auðvitað aungvu máli þótt Gvendur vélstjóri bölvi og ragni frú Rist og hennar útskipunargengi niður fyrir allar hellur, en sá piltur hefur aldrei getað samið fyrir sitt fólk um jafn góð laun og frú Rist hefur. Hann ætti að hafa vit á að hundskast til að loka á sér þverrifunni og skríða með skottið milli lappanna niður í kjallarann heima hjá sér og koma þaðan aldrei út aftur.

Eftir vaska framgöngu frú Rannveigar Rist á bryggjukantinum undanfarið er hún, samkvæmt yfirsýn bestu manna og kvenna, sjálfkjörin á Bessastaði. Hinsvegar er forsetaembættið illa launað starf og skítslegt miðað við þau laun sem þessa daganna eru greidd á eyrinni í Straumsvík, þannig að það er lítt freistandi fyrir eðalfrúr eins og frú Rist, en fullgott fyrir gluggasrautsdömur eins og formann VG og þessháttar drósir.

Með milljónir í laun við útskipun

Athugasemdir

[Kristbjörn Árnason, 4.3.2016 kl. 17:27]

Hvað ætli handarsveiflan kosti hjá þessu liði?

[Anna Sigríður Guðmundsdóttir, 4.3.2016 kl. 17:59]

Samkvæmt EES-reglum má ekki mismuna?

Stjórnarskrá hvað?

Þetta verður flókið dæmi fyrir EES/ESB-USA-kúgaða/stýrða reikniruglara "frelsisins" heilaga? Meðhjálpararnir eru gerðir út á ríkulegan sturlaðan vopnahátt frá dreifðum kennslustofnunum ofbeldis og siðleysis heimsveldisins "fríaða"!

Góður Guð (nafnlaus friðarorkan), blessi, hjálpi og verndi heimsbyggðina kúguðu.

M.b.kv.

[Anna Sigríður Guðmundsdóttir, 4.3.2016 kl. 21:28]

Verjendur auðvaldsins eru á "velferðarvaktinni", núna á 22. tímanum í kvöl? Það eru verjendur "velferðarauðvaldsins" sem fá að tróna á fréttatopp mbl?

Verja auðvaldið siðblinda og heimsveldisstýrða!

Þetta er ekki ný barátta verkafólks sem byrjaði í gær, og þeirri baráttu lýkur aldrei, á grimmdarstýrðri jörðinni.

M.b.kv.

[Riddarinn , 5.3.2016 kl. 03:17]

Þetta er fengur fyrir útskipunar gengi landsins í næstu Kjarabaráttu og fínt að taka þessi laun til viðmiðunar ..