Og velta þeim uppúr tjöru og fiðri

Hvurn fjandann á svona fréttaflutningur að þýða? Það er ekki nóg að rekja af handahófi upp talnarunur viðvíkjandi óánægju eða ánægju íbúa Vestmannaeyja þegar helstu niðurstöðum skoðannakönnunarinnar, sem um er fjallað, er hreinlega sleppt, ekki á þær minnst. Þöggun af þessu tagi hlýtur að falla undir lög um skoðannakúgun, pólitíska misbeitingu og mannréttindabrot. Það má vel vera að Eyjalingar gefi skít í Vegagerðina, Innanríkisráðuneytið, innanríkisráðherrann og Samtökin 78, en það eru bara hlutir sem okkur meginlandsfólki varðar andskotann ekki neitt um.

Í skoðannakönnun sem MMR gerði í Vestmannaeyjum kom nefnilega í ljós að 100 prósent Eyjammanna treystu Árna Johnsen og ekki færri treystu náfrændum hans, Sigfússonum. Þetta er meginniðurstaða könnunarinnar og það eina sem er að marka í umræddri könnun. Að halda öðru fram er ósammfeilin firra. Ef mönnm er umhugað að fela ást Eyjamanna á Árna Johnsen og Sigfússonum þá þeir um það, en þeir skulu vita að þeir eru á villugötum og fá um síðir að taka afleiðingunum af því.

Það er svo ljómandi gleðilegt að íbúar Vestmannaeyja skuli standa jafnt þétt við bakið á sínum mönnum sem raun ber vitni og óskandi væri að Íslendingar tækju þá til fyrirmyndar. Frú Ingveldur hefur lengi haldið því fram að helvítis íslendingsdjöflarnir hafi komið smánarlega fram við Johnsen úr Eyjum og Sigfússyni, rægt þá að ósekju, lagt á í einelti, reynt með öllum ráðum að gera úr þeim gráðug ómenni og forynjur. En nú er mál að linni. Íslenska þjóðin á að bregða sínu kvæði í kross og í stað þess að sproksetja Árna og Sigfússyni á hún að læra að elska þá og virða og greiða götu þeirra á allan hátt. Um leið á þjóðin að leggja í vana sinn að hrækja á Pírata, sparka í þá og velta þeim uppúr tjöru og fiðri.

Langflestir óánægðir með samgöngur