Gott framboð

Það var mikið að kom alvöruframboð til embættis forseta Íslands. Maður var að verða úrkula vonar um að einhver með bein í nefinu og býsna skýrar hugsjónir um lífið og tilveruna léti slag standa og sæktist eftir þessu embætti. Ég er ekki í nokkrum vafa um að fólk mun fylkja sér um Andra Snæ, enda er framboð hans fagnaðarefni öllum þeim sem telja að starf forseta Íslands eigi ekki að vera lágkúrulegt tildur og snobb, heldur alþýðlegt og lífrænt og handhafi þess ódeigur við að taka í taumana þegar ríkisstjórn og Alþingi ganga fram með ójöfnuði og hernaði gegn náttúru landsins.

 

Andri Snær staðfestir framboð

Athugasemdir

[Aztec, 11.4.2016 kl. 00:38]

Ekki dytti mér í hug að kjósa Andra. Af þeim frambjóðendum sem eru framkomnir myndi ég aðeins greiða formanni Öryrkjabandalagsins, Ellen Calmon atkvæði mitt. Einhverjir eiga eflaust eftir að heltast úr lestinni af ýmsum ástæðum og maður bíður bara sallarólegur eftir því að endanlegur framboðslisti verður lagður fram. Síðan fer maður að kynnast frambjóðendum og hugmyndum þeirra betur.

Hins vegar er undarlegt að hægt er að byrja að kjósa utan kjörfundar frá og með 30. apríl, þ.e. þremur vikum fyrir síðasta innskilafrest meðmælalista, sem er 20. maí, þ.e. 30. apríl.

http://www.kosning.is/forsetakosningar-2016/forsetakosningar/kjosendur/atkvaedagreidsla-utan-kjorfundar/

Þýðir það ekki, að þeir sem kjósa í maí gætu lent í því að greiða atkvæði ætluðum forsetaframbjóðanda, sem svo fær ekki að bjóða sig fram vegna ógildra meðmælalista? Fá þeir óheppnu kjósendur þá að kjósa aftur, og hver tékkar hvað þeir kusu fyrst, úr því að kosningarnar eru leynilegar?

[Jóhannes Ragnarsson, 11.4.2016 kl. 10:00]

Það er reyndar hægt að ógilda utankjörstaðaratkvæðið sitt, ef ég man rétt, og kjósa aftur fyrir kjördag.

[Anna Sigríður Guðmundsdóttir, 11.4.2016 kl. 22:57]

Framboð til forseta kynnt í Þjóðleikhúsinu.

Það finnst mér mjög athygliverður kynningarstaður?

Þar sem allt er vel grænt, en verður svart þegar kemur að uppgjöri? Passar vel inn í umræðuna um "skattaskjól"?

Vinstri grænt, eða hægri grænt? Skiptir víst litlu máli í svona grænum svartamarkaðs viðskiptum vinstri-hægri grænu línunnar? Sjóaðir einstaklingar þekkja lífið og heimsins viðskiptahætti. En segja ekki frá, því það er ekki til neins þegar dómsstólar dæma saklausa og sleppa sekum.

Gróunnar á götunni hafa tekið að sér reiðidómstóla-ábyrgðina. Fjölmiðlar sjá um að byggja upp aftökueineltishring eftir pöntum dómara/lögfræðinga-hjarðarinnar skattaskjóls-ráðleggjandi og verjandi.

Forsetaefnið í Þjóðleikhúsinu mun að sjálfsögðu verða fyrsti forseti Íslands, sem ekki þarf að nýta sér aðstoð þessara lögspekinga?

M.b.kv.