Frjáls samkeppni og frelsi í eiturlyfjasölu er lífsspursmál fyrir heilbrigða þjóð

Þarna er komið ákjósanlegt tækifæri fyrir útsjónarsama eiturlyfjasala að fjárfesta í framtíðareign. Ekki dugar að ríkið eigi lyfjaverslun og græði stórfé á henni, því það er svo miklu eðlilegar að snjall dópsali með braskaranáttúru eigi og reki svona búð og græði á henni, stingi hluta hagnaðarins undir stól og leggi hann inn á góðan aflandsreikning, svona einhvernveginn panamareikning, í skattakjóli. Ekki er víst að það henti Engeyingum, að Bjarni afhendi einhverjum frændasínum eða frænku Lyfju, en með stálheiðarlegum milliliðum gæti fóður frændi eða góð frænka fjármálaráðherra hreppt þetta dópbæli og enginn þyfrti nokkru sinni að vita ver raunverulegur kaupandi var.

Annars er víst ekkert grín að stunda eiturlyfjasölu nú til dags. Götuapótekari án lyfsöluleyfis og lyfjafræðimenntunar er í stöðugum háska með líf sitt og frelsi. Samkeppnisaðilar vilja víkja honum úr sessi, helst drepa hann, og valdstjórnin er ævinlega á höttunum eftir að koma hönum í fangelsi. Með því að kaupa lyfjaverslun væri dópsalinn endanlega kominn heill í höfn og péééníngasjúklingar myndu líta hann öfundaraugum upp frá því.

Í gagnheilli umræðu um lyfjasölu á breiðum grundvelli, sem fram fór eina helgina að heimili frú Ingveldar og Kolbeins, kom fram ríkur vilji og skotheld rök fyrir stórauknu frelsi og samkeppni í dópsölumálum. Götulyfsalar stæðu alltaf í tómu ströggli við að komast yfir eiturlyf úr apótekum til selja viðskiptavinum sínum, en apótekarar með leyfi mættu ekki selja sína vöru nema eftir geðþóttaákvörðunum læknastóðsins, sem hefir ekkert vit á heilbrigðri samkeppni og enn heilbrigðari verslunarháttum og eiturlyfjadreifingu. Niðurstaða fundarins var, að öll umsýsla með heilsubótarefnum til sálar og líkama ætti fortakslaust að vera algerlega frjáls; ef einhver vill kaupa sér eitur, sem gæti steindrepið hann eða lagt líf hans í rúst, af öðrum aðilja þá ætti honum og sölumanninum að vera það jafnfrjálst og að drekka blávatn, sem er að sönnu einn göróttur drykkur sem fjöldi fólks hefir drepist af.

Lyfja auglýst til sölu

Athugasemdir

[Anna Sigríður Guðmundsdóttir, 8.9.2016 kl. 18:37]

Háskóla-reikni-meistarar með prófessorsgráður í þungum bakpokum af mútupeningum, hafa víst fundið út, í samvinnu við einokunar-"Frjálsa"-Verslun á Íslandi, eftirfarandi:

SLÁUM TVÆR FLUGUR Í EINU SAMKEPPNISLAGABROTS-HÖGGI Á ÍSLANDI!

Flytjum ódýr sýklalyf inn til matvæla/lyfja-sölu, í formi hins svokallaða: ljósa erlenda, ódýra og holla kjötsins.

Og bönnum bændum svo að flytja sýklalyfjalaust innlent kjöt út, til að eiga fyrir framleiðslukosnaði/sláturkosnaði.

Og svo auðvitað líka til að auðvelda ferða-þræla-þjónandi svokölluðum "bændum", svarta Lux-Landsbanka með nýjum nöfnum og kennitölum, útflutning á svörtum innistæðulausum þrælaframleiðslu-peningum.

Þetta hlýtur að kallast glær og tær "snilld" stærðfræði-snillinga í "eðlilegum, siðmenntuðum og fjór-frjálsum þræla-samkeppnis-viðskiptum".

Rotvarin sýklalyf, í formi "ódýra" kjötsins?

Eru ekki allir ánægðir með svona góðar milliríkjasamninga-hagræðingar og siðmettað réttarkerfis-"frelsi"?

Það dettur varla nokkrum manni annað í hug en að þetta séu allt að því alsælu-samningar fyrir hina "Frjálsu" íslensku einokunarverslun og erlendu farndverka-þræla hótelstjóranna, sem allt í einu eru orðnir bændur með uppskeru í formi falsaðra og illa fenginna peninga?

Einokunar-sláturleyfishafarnir eru á slíkum ofurbónus-styrkjum frá ESB-almætti falda valdsins, að þeir koma aldrei niður af bleika viðskipta-vímuskýinu. Þeir vita varla að jörðin sé ennþá til, þessir sjúku hálofta-dílara-verslunar-"frelsis-englar".

Verði okkur öllum að góðu, þegar alþjóðabankinn verður kominn með einokun á fræsölu í jarðheimum. Þá sitja bæði veganar og ekki veganar við sama þrælaborðið.

Fólk verður að reka sig á til að læra. Það verður bara dálítið dýr árekstur, sem ekki verður bættur neinum neinum bótasjóði. Ekkert við því að gera, þegar nútíma "Edison"-ljósaperu-fræðingarnir eru ó-jarðtengdir, og kunna ekki á raunverulega lífið utan síns hugarheims, hér á jörðinni.

Fjölmiðlar sjá svo um að peningsmyrja hjól bankablekktu og mennsku prentaranna, eins og venjulega.

Afsökunin er alltaf: "en það vissi enginn neitt"!

Margir vissu, en enginn þorði. Því það vantar raunverulegt, siðmenntað og réttlátt réttarkerfi.

M.b.kv.