Náfretur Samfylkingarinnar skammt undan

Það var svo sem fyrir löngu vitað, að Samfylkingin væri furðu vitlaus og þunnildislegur stjórnmálaflokkur, en að hann væri svo innilega vitlaus að hann léti sér sæma að slá kröftugasta og besta þingmanninn sinn af, eins og hvurn annan slátufénað að hausti, hafði ég aldrei ímyndað mér að gæti gerst. Þegar ég tala um Samfylkinguna í þessu tilfelli á ég að sjálfsögðu við fólkið sem er í þeim flokki og tekur þátt í prófkjörum hans. Að skipta Ólínu Þorvarðar út fyrir einhver nóboddí sem enginn þekkir er svo brjálæðislegt, að halda mætti að banvæn sjálfseyðingarhvöt Samfylkingarinnar sé komin á lokastig og varla annað eftir en að urða hræið.

Og mikið kæmi á óvart ef hinir stórbiluðu plottkóngar, sem hreiðrað hafa um sig í Samfylkingunni, og telja sig eiga flest hlutabréfin í þeim flokki, séu ekki höfundarnir að slátrun Ólínu. Á meðan pólitísk útfrymi eins og Össur Skarphéðinsson og Árni Páll sigra í prófkjörum Samfylkingarinnar en Ólína tapar má nokkurn veginn ganga út frá því sem vísu, að Samfylkingin sé í þann veginn að taka síðasta náfretinn, enda á hún engan tilverurétt lengur, erindi hennar er lokið, ef það var þá einhverntíma un eitthvert erindi að ræða.

 

Ólína ekki á lista Samfylkingarinnar

Athugasemdir

[Níels A. Ársælsson., 10.9.2016 kl. 23:13]

Sammála þessu. Þvílíkir andlegir kripplingar sem stóðu að þessari aðför að Ólínu. Nú höfum við fengið enn einn Möllerinn og nú frá Akranesi í skiptum fyrir hræið frá Siglufirði

[Anna Sigríður Guðmundsdóttir, 10.9.2016 kl. 23:32]

Ætli forseti hæstaréttar Íslands ráði einhverju um hvernig kúganapólitíkin á Íslandi gengur fyrir sig? Svari hver fyrir sig. Ég veit hvað mér finnst.

Það virðast allir ætla að fá minnst 5 stjörnur í afreksbækurnar, fyrir að klóra augun úr náunganum, í "heiðarlegri" kosningabaráttu?

Viðbjóðurinn í þessari kosningabaráttu á ekkert skylt við lýðræði, og það ættu fjölmiðlar að íhuga vandlega.

Hættaréttarstýrt heimsbanka-mafíuspillingar-fjölmiðla-einræðisríkið Ísland?

M.b.kv.

M.b.kv.