Innanfjóssmál og fóstureyðing

Þegar gamla Framsóknarmaddaman sá í hvað stefndi með ráðsmann hennar, Sigmund Dávíð, tók hún á sig rögg, skreið uppúr kör sinn og braust inní tölvu ráðsmannsins til að afla sér upplýsinga er gætu varpað ljósi á hvur fjandinn væri á seyði í höfðinu á honum. Skömmu síðar ákvað gamla konan að láta til skarar skríða gegn ráðsmanninum, lækka hann í tign og láta hann gista framvegis í haughúsinu. Innbrotið þjóðþekkta, sem Sigmundur Dávíð bar á borð fyrir þjóðina, er því aðeins innanfjóssmál í Framsóknarflokknum og á þar af leiðandi ekkert erindi til annarra stofnanna til úrlausnar.

En þrátt fyrir hryllilegar hremmingar frá því í vor og til þessa dags lét Sigmundur okkar Dávíð sér ekki muna um að bruna frá Akureyri síðastliðið laugardagskvöld og mæta á ball og skemmtidagskrá að heimili frú Ingveldar og Kolbeins Kolbeinssonar skrifstofustjóra og framsóknarmanns. Þar var margt gott haft um hönd til að efla andann, lyfta honum uppá æðra plan. Meðal skemmtiatriða var einstaklega djörf leiksýning þeirra hjóna, Máríu Borgargagns og Indriða Handreðs, sem fóru á þvílíkum kostum að meira að segja frú Ingveldur klappaði þeim lof í lófa. Og Sigmundur skemmti sér konunglega líka og tísti af kæti.

Þegar skemmtanahaldi var um það bil að ljúka að frú Ingveldar og Kolbeins, kom uppúr dúrnum að Brynjar Vondalykt hafði haft ofanaf fyrir sér meðan aðrir skemmtu sér, að míga á laun á all-flest gluggatjöldin á heimilinu. Þetta fólskuverk launaði frú Ingveldi Vondulyktinni með því siga bæði Borgargagninu og Kolbeini eiginmanni sínum á hann. Að þeirri viðureign lokinni hældi Vondalyktin sér af því, að nú hefði hann barnað Máríu í lokahnykknum. Þegar honum var sagt að Máría Borgargagn væri komin úr barneign, hló eins og sá er valdið hefir og fullyrti slíkir smámunir væru honum ekki um megn, fjarri því. Og eftir hádegi í dag þorði Borgargagnið ekki öðru en að gjöra þungunarpróf á sér og hugsar nú ekki um annað en fóstureyðingu.

Kannast ekki við tölvuinnbrot