Jóhannes Ragnarsson

12.9.2016 | 19:50

Hið djöfullega áfall, skandall og höfuðglæpur

Ragnheiður litla Elín, sem spaugarar, sem ekki eru vandir að virðingu sinni gerðu að ráðherra, virðist þeirrar skoðunnar, að hörmulegt gengi hennar í prófkjöri sé áfall fyrir stjórnmálin. Eins og gengur eru ekki allir sammála hinum fallna ráðherra hvað þetta varðar. Hinsvegar gjörðist annað atvik og öllu alvarlega í sama prófkjöri og Ragnheiður Elín hafnaði á blessuðum rassinum sínum. Víg Árna Johnsen í þessu prófkjöri er hinn alvarlegi atburður prófkjörsins, skandall og áfall. Hefir Árni nú mátt sæta því reginhneyksli, að vera veginn í tveimur prófkjörum í röð. Tvíelleft fall hins frækna eyjamanns er ekkert minna en höfuðglæpur, sem ber að vísa til rannsóknar embættis ríkislögreglustjóra, þjóðaröryggisráðs og glæpadómstólsins í Haag.

Þó má segja, að huggun harma þeirra, er afvelta lágu í forinni þegar atkvæði höfðu verið talin í prófkjörum Sjálfstæðisflokksins, felist í að nú eru komnir til skjalanna tveir fræknir flokkar sem láta sér ekki muna um að endurvinna hædda og smáða einstaklinga sem illfyglin í Sjálfstæðisflokknum hafa rifið hjörtun úr. Þjóðfylkingin og Viðreisn eru góðir kostir fyrir Ragnheiði Elínu, mr. Johnsen, Hönnu Birnu, Sigmund Dávíð og fleiri af því tagi, sem eiga nú um sárt að binda. Nú er bara um að gera fyrir hið góða fólk, sem farið hefir halloka síðustu daga, að velja annað tveggja, að láta Jón Magnússon hrl. og Þjóðfylkinguna eða Thorgerði Katrínu og Viðreisn sálusorga sig og endurreisa.

Þriðji möguleikinn fyrir burtflæmdar sálir er kvennalisti auðvaldskerlinga. Efrimillistéttar- og yfirstéttarfraukur hafa um all langt skeið þóttst lifa við andlegra hægðateppu, - ,,verið með ryðgaðan gaddavír í rassborunni," eins og frú Ingveldur orðaði það svo snyrtilega á baráttufundi efrimillistéttar- og yfirstéttarfémínísta. Ennfremur hreyfði frú Ingveldur þeirri hugmynd, hvort ekki væri rétt að bjóða Árna Johnsen að ganga í fémínístaflokk efrimillistéttar- og yfirséttarkvenna, þær gætu sem best litið þannig á að Árni væri trans, þ.e. kona í röngum líkama. Fékk hugmynd frú Ingveldar gott brautargengi og hefir Árna nú þegar verið boðin aðild að kvennalista kapítalískra kerlínga.