Ten pánds for Dollý

Haraldur bóndi á Rein er ekki fyrsti bóndin á þeim bæ sem lendir í hremmingum vegna framkomu stjórnvalda við hann. Hinn merki kristsfjárbóndi, Jón Hreggviðsson sem einnig bjó að Rein, tapaði næstum höfðinu í viðskiptum sínum við réttlæti kerfisins og æra hans fauk veg allrar veraldar. Jón bóndi leitaði til konungs til að fá að minnsta kosti að halda höfði sínu, en núverandi Reinarbóndi leitar til Bjarna Ben fjármálaráðherra í þeim tilgangi að hann komi í veg fyrir að fantar kerfisins svipti hann ekki æru og eignum! Það væri þokkalegur andskoti ef íbúar á Akranesi og nágrennis verða vitni að því að ráðuneytisstjórar kæmu askvaðandi, með fulltingi sýslumanns á rauðum kjól, dómara og kerfiskarla úr ráðuneytunum, og bæru Harald bónda út af sínu eigin heimili og skipuðu honum að koma sér hið snarasta burt úr þessum landshluta, ella hefði hann verra af.

Það sem Haraldur bóndi gæti lært af málatilbúnaði þeim sem hann hefir ratað í, er hversu fáránlegt og hættulegt æru og eignum manna það er skipa persónurnar Vigdísi Hauks og Guðlaug Þórðarson í embætti formanns og varaformanns fjárlaganefdar. Ef Haraldur karlinn frá Rein lendir í svartholinu á Bessastöðum, eins og forveri hans, þá skal hann þakka þá vegsemd áðurnefndum Vigdísi og Guðlaugi. Og ef hann vill ver forsjáll, þá ætti hann að læra Pontusrímur eldri utanbókar nú þegar til að hafa eitthvað gott til að raula fyrir munni sér í prísundinni, því birta til bóklesturs eða annarra verka er ekki til staðar í svartholinu.

Og fyrst við erum farin að spjalla um skagabændur og búalið, þá sakar ekki að geta þess að það var einn af sveitungum Jóns Hreggviðssonar og Haraldssonar sem um árið rataði í kunningskap við tíkina Dollý og eigenda hennar í Grimsby á Englandi. Það væri synd að segja, að sveitungi þeirra kumpána Jóns og Haralds hafi ekki haldið heiðri Skagamanna hátt á lofti þar ytra. Það sannaðst best þegar kom að kveðjustund, en þá sagði eigandi tíkurinnar engilbjörtum rómi við Skagamanninn knáa: No monní for mí, ten pánds for Dollý.

Segir hótun Guðmundar „grafalvarlega“

Athugasemdir

[Níels A. Ársælsson., 21.9.2016 kl. 21:07]

Ha ha ha og ekki orð um það meir .............

[Ásthildur Cesil Þórðardóttir, 21.9.2016 kl. 21:23]

Ég lít aftur á móti grafalvarlegum augum á svona hótanir kerfikarla sem vitað er að ráðskast með pólitíkina út og suður.  Í þessu tiltekna dæmi er þetta eflaust eitthvað málum blandið, en það hefur marg oft komið fram að ráðuneysisstjórar og aðrir kerfiskarlar ráða því sem þeir vilja ráða og það þarf einfaldlega að stoppa slíkt.  Þeir eru ekki kjörnir fulltrúar, heldur sitja þarna æviráðnir og stjórna öllu og öllum.