Yfirstéttarfemínismi og verkakonur.

Hvort konur eru fleiri eða færri, í stjórnum 100 stærstu fyrirtækja landsins, kemur jafnrétti ekki nokkurn skapaðan hlut við. Yfirséttarfemínismi er yfirstéttarpólitík og nákvæmlega ekkert annað. Það hefur verið sorglegt að horfa upp á hvernig þessi tegund af yfirstéttarbrölti hefur heltekið stjórnmálasamtök sem sögð eru til vinstri, látum vera þó svona hundakúnstir séu iðkaðar innan Sjálfstæðisflokksins. Og hvað eiga t.d. konur í verkalýðsstétt sameiginlegt með efri-milliséttar og yfirstéttarkerlingum? Svarið liggur í augum uppi: Ekkert. Um slíkt þarf varla að hafa fleiri orð.

Ef að fólki er alvara með  kvennapólitík þá verður hún að vera háð á forsendum verkalýðsstéttarinnar. Yfirstéttarfemínismi, sem rekinn hefur verinn innan VG í skjóli meintrar vinstri stefnu þess flokks, er að mínu mati skandall sem VG verður að hreinsa sig af ef sá flokkur vill vera trúverðugur á þessu sviði.

Jafnrétti kynjanna í 100 stærstu fyrirtækjum landsins ábótavant

Athugasemdir

[Auðun Gíslason, 22.5.2007 kl. 18:54]

Hjartanlega sammála þér!  En meðal annarra orða. Hvar var verkalýðurinn á framboðslistum núna síðast? Fór einhver umræða fram um kjör verkalýðsins í síðustu kosningabaráttu, eða verkalýðsmál yfirleitt? Finnst "vinstri "mönnum nærvera verkafólks eitthvað óþægileg? Finnst þeim orðið "verkalýður" ,og tengd orð, eitthvað óþægileg í munni. Og "jafnrétti" er orði sem yfirstéttafemmar eru búnir að eyðileggja!  Allavega þýðir það ekki jafnrétti allra, karla og kvenna, í þeirra munni.

[Jóhannes Ragnarsson, 22.5.2007 kl. 19:41]

Verkalýðspólitík er víst eitthvað í litlum metum hjá vinstrflokkunum svokölluðu og umræða um málefni og stöðu verkafólks er almennt ekki vel séð hjá þeim ráða fyrir þessum flokkum. Í VG, þar sem ég þekki dálítið til, eru verkalýðsmál og stéttarbarátta, að ég minnist ekki á sósíalisma, litin hornauga af þeim sem valdið hafa í þeim flokki og telja sig eiga hann. Svo alvarlegt er ástandið, að ég get með góðri samvisku fullyrt að VG er klofinn flokkur niður í rót og það mun ekki breytast nema verkalýðssinnað fólk þar á bæ taki sig saman og hrinsi almennilega til í kotinu. En eins og staðan er í dag, er VG ekki verkalýðsflokkur og getur því trauðla gert tilkall til vinstrinafnbótar.