Aðalástæðan fyrir harmi Hinriks er reykingastybban af kerlu

Veslings garmurinn hann Hinrik hefur aldrei getað skilið af hverju hann er ekki kóngur þó að kérling hans sé drottning. Þetta bagalega skilningleysi hans hefir gert það að vekum að hann vill ekki hvíla við hlið konu sinnar eftir dauðann og verður því grafinn utangarðs eins og flækingshundur. Annars er það ekki alveg þetta skilningsleysi sem er ástæðan fyrir því að hann vill ekki liggja með Margréti eftir andlátið. Aðalástæðan er reykingastybban af kerlingunni, en hún hefir strompreykt eins og Kölski gamli síðan hún var sjö ára og það er löngu kominn af henni tjörufnykur, sambærilegur því þegar úldinn þorskur er hefir verið látin hanga við taðreyk í reykkofa í hálfan annan mánuð. Svo að karlinum er vorkun að vilja ekki mengaða öskuhrúgu í næsta herbergi við sig í eilífðinni.

Við þetta bætist að Hinrik er ákaflega lyktnæmur, jafn lyktnæmur og leitarhundur, og honum óaði við að taka á móti Guðna forseta af því að hann vissi að það væri íslendingslykt af honum; en soleiðis þefur virkar afar klígjani á lyktnæma. Í Danmörku er enda sá siður enn við lýði að hleypa ekki Íslendingum inn í hús manna. Ef svo illa vill til að Íslendingur hafi fyrir slysni komist inn á danskt heimili hafa húsráðendur haft allar dyr og glugga opnar upp á gátt í þrjá sólarhringa á eftir til að losna við óþefinn. Við vonum öll innilega, að Guðni forseti hafi ekki leyst vind í híbýlum danadrottningar því slíkur gjörningur hefði haft illvíg áhrif á heilsu Hinriks ekkikóngs.

Nú er það svo, að raunverulegir kóngar og draunverulegar drottningar hafa ekki hægðir og því síður þarf soleiðis fólk lítillækka sig með þvaglátum. Karlfauskar eins og Hinrik drottningarkarl af Danmörku og Pilipp, viðhengi Elísabetar af Bretlandi, eru hvorugur með líkamsbyggingu og líkamsstarfsemi raunverulegra kónga og drottninga; þeir þurfa að hafa kamar innan seilingar hvar sem þeir eru, eða troða á sig bleyju, og stafslið hirðarinnar þarf að verka þessa andskota, jafnvel oft á dag. Margrét danadrotning hefir frá því hún var sjö ára reykt fimm pakka af filterlausum Camél á dag og Elísabet frænka hennar af Bretaveldi hefir frá barnæsku þambað hvítvín og romm alla daga án þess að finna á sér eða þurfa að pissa. Ef karlar þessara sæmdarkvenna hefðu ætlað að leika reykjar- og áfengisfýsn þeirra eftir væru þeir fyrir löngu steindauðir, - það sér hvur heilvita maður, skal ég segja ukkur. Enn fremur þurfum vér Íslendingar að koma okkur upp raunverulegum kóngi eða drottningu, án ristils, garna og þvagblöðru; að draugast endalaust með forseta af almúgaslekti er ótækt til lengdar fyrir sjálfstæða þjóð og æ vandræðalegra fyrir oss með hvurju andartakinu sem líður. 

Ekki jarðsettur við hlið Margrétar

Athugasemdir

[Aztec, 3.8.2017 kl. 22:10]

Mikið fæ ég mikla klígju þegar ég sé þetta nafn Margrét Þórhildur, enda eru það bara hégómafullir blaðamenn við íslenzka fjölmiðla sem nota þetta Þórhildar-nafn sem enginn Dani kannast við. Þegar aðrir fjölmiðlar en íslenzkir skrifa fullt nafn hennar, þá er einfaldlega skrifað Margrethe Alexandrine Ingrid.

Annars hvað varðar eiginmanninn Henri Marie Jean André, eins og hann réttilega heitir (en ekki Hinnrikk Þórður Kakali), þá hefur Ekstra Bladet verið mjög vingjarnlegt gagnvart honum síðustu árin og jafnan kallað hann Kong Henrik í háði. 

[Jóhannes Ragnarsson, 3.8.2017 kl. 22:38]

Það heði átt að duga honum að vera kallaður Kong Henrik í háði. En sumir menn kunna ekki að sjá sóma sinn og heimta alltaf meira og meira ...

[Anna Sigríður Guðmundsdóttir, 4.8.2017 kl. 14:25]

Herra Hinrik er líklega búinn að gleyma því að hann á alla vega eitt barn með Margréti sinni. Líklega hefur hann einhvertíma hvílt við hliðina á frú Margréti í lifenda lífi?

Þetta er nú líklega frekar vandræðalegt hjá blessuðum karlinum, honum drottningartengda Hinrik til fleiri áratuga?

M.b.kv.