Var Sigurjón digri frá Kóreyju máske ferðamaður á Íslandi í sumar?

Það er naumast tilstandið í rassinum á bölvuðum ekkisins kjaftaskjóðunum hjá Sameinuðuþjóðunum út af Sigurjóni diga í Kóreyju. Mér skilst þetta móðursýkisfár sé allt vegna kjarorku og eldflauga hjá þeim digra. Það er einkennilegt þessi drengskratti megi ekki leika sér að sona dóti, eins og giljagaurar á borð við bandaríkjaforseta, sem er þó í sannleika sagt einn herjans ódámur og bjáni. Þar með er þó ekki sagt að kjarnorka og eldflaugar séu á allra meðfæri, til dæmis væri það óðs manns æði að láta flaugar og sprengjur í höndurnar á slektinu á Útvarpi Sögu og þar um kring; ekki það að Söguslektið mundi sprengja okkur jafnóðum aftur á bronsöld og steinöld, seisei nei, en það væri til með að sprengja Hallgrímskirkju á Skólavörðuholti í loft upp í stað Múhámeðsmoskunnar sem enn ekki er búið að reisa.

Annars er Sigurjón digri í Kóeyju brosmildur strákur og búttaralegur og tilbúinn til hrekkja að hætti götustráka og vís til að hræða og hvekkja leppalúðana í hinni Kóreyjunni. Er til þess tekið að hann lét lóga náfrænda sínum í öðru landi og hló ógurlega þegar honum var sagt frá hvurnig frændinn hefði lognast út af. Og hvur veit nema Sigurjón digri hafi af alkunnri hrekkvísi sinni hafi látið sig hverfa í þann stóra hóp Asíumanna sem komu til Ísland í sumar. Hafi svo verið hefir hann áreiðanlega skemmt sér konunglega við að hafa hægðir á fjörum Íslands, túnum þess og strætóskýðlum. Glöggir menn hafa sagt, og raunar fullyrt, að þeir hafi mætt Sigurjóni digra frá Kóeyju á bílaleigubil úti á þjóvegum landsins. Ber þeim saman um að hann hafi sjálfur verið undir stýri og ekið mjög hratt.

En hvað sem flugeldum og kjarnorku líðu í Kóeyju líður og hvort Sigurjón digri hafi verið túristi á Íslandi í sumar eða hvað, þá var Brynjar Vondalykt staðinn að því að kukka í sólstofu ókunnugs fólks úti á landi og þóttist ver útlenskur ferðamaður. Hjónin sem áttu sólstofun voru æfareið og töluðu um að bryja Brynja í smátt, en hann svaraði: - Ég ekki skilja, ég ekki skilja, ég ekki íslandsmann. En sen yrr segir vóru hjónin æf og konan tók Vondulyktina og stakk henni beint á trýnið ofan í verksummerki hans í sólstofunni. Heimkominn kvaðst Brynjar Vondalykt aldrei hafa fyrirhitt aðra eins hrotta og illmenni og þessi hjón, nema ef til vill að frú Ingveldi einni undanskilinni og megi hann heita meir en lítið heppinn að hafa sloppið lifandi úr klónum þessum vondu manneskjum. 

Neyðarfundur í öryggisráðinu á morgun