Og þá stökkur fram Sóley Tomm Fílí Romm Bomm Bomm

Ekki voru atvinnupólitíkusar til Alþingis fyrr búnir að ganga hér um bil af þjóðinni dauðri með einstökum leiðindavaðli, yfirboðum og hreinum lygum þegar fram á sjónarsviðið stökkur sú óskemmtilega persóna, Sóley Tomm Fílí Romm Bomm Bomm, og hrellir fólk með hótun um ,,kvennaframboð" til sveitarstjórnarkosninga í vor. Fyrir ekki alls löngu tilkynnti þessi sama Sóley, að hún væri hætt í stjórnmálum og flutt til Hollands. Var mörgum þá létt, því satt að segja hefir manneskjugarmurinn orðið mögum til leiða með yfirborðsheimskutauti sínu og dólgafémínísma. En, nei ónei, fyrr en varði hefir Sóley Tomm Fílí Romm Bomm Bomm skotið upp aftur, dálítið áður en nokkurn óraði fyrir, og það á Hótéli Sögu.

Nú hefði maður ætlað að dólgafémínístanum Sóleyju og hennar slekti og púkafans hefði verið kappnóg að leggja VG undir dólgafémínísma, og ennfremur Samfylkinguna, og eyðileggja þá flokka báða og gera þá nánast að örvita náttúruleysingjum. En ekki alveg, - nú skal gera tilraun til að fullnægja dólgafémínískum og blautum draumum frú Tomm með ,,nýju kvennaframboði", eins og Kvennaframboðið gamla og Kvennalistinn vóru nú sérlega geðug og velheppnuð fyrirtæki; en bæði fyrirbrigðin luku ævi sinni með glæsilegu gjaldþroti.

Þá væri aldeilis nær fyrir Sóley Tomm Fílí Romm Bomm Bomm, að ganga í Sjálfstæðisflokkinn ásamt með dólgafémínístatítunum sínum, og leggja þann óskapnað í rúst með landsfrægum eftimillistéttarleiðindum sínum, öfgum og snobbi. Stéttarlega á frú Tomm hvergi betur heima en í Sjálfstæðisflokknum við humarát og hvítvínsþamb. En best væri náttúrlega að Sóley héldi bara áfram að vera í Hollandi með subbuskap sinn og dólgafémínísma, þó svo að Hollendingar eigi vart skilinn útflutning Íslendinga á Sóley Tomm Fílí Romm Bomm Bomm til þeirra, en í þeim efnum má þó segja að tilgangurinn helgi meðalið og mestu máli hafi skipt að frelsa Íslendinga frá varginum.

Ræða mögulegt kvennaframboð

Athugasemdir

[halkatla, 30.10.2017 kl. 21:25]

Ég myndi ábyggilega kjósa hana ef hún og allar hinar konurnar gætu sagt "feðraveldi" pínulítið oftar og kennt því um veðrið t.d. Þetta er alveg að koma hjá þeim en þær eru einum of mjúkar ennþá gagnvart þessu feðraveldi sem hefur steypt okkur á Vesturlöndum í þvílíka bölvun. Um að gera að nota réttu orðin sko, þetta er allt að gera sig og ekki mun langt um líða þar til óréttlæti og misskipting auðæfa mun hverfa, þökk sé femínistum og baráttu þeirra við feðraveldið og hvíta, gagnkynhneygða forréttindapésa.

[Jóhannes Ragnarsson, 30.10.2017 kl. 21:59]

Nú, auðvitað kýstu hana og hinar konurnar, jafnvel þótt þeim lánist ekki að segja ,,feðraveldið" nægilega oft. Það væri nú skárra.