Í kveld verður veisla gjörr hjá guðforeldrum Kampavínsstjórnarinnar

Þetta er, skal ég segja ykkur opinberun sem talandi er um; slík opinberun hefur ekki verið gjörð síðan Opinberunarbók Biflíunnar var skrifuð. Mikið asskoti held ég auðnuleysingjarnir í VG plumi sig vel með Bjarna, frú S.Á. Andersen og samherjanum Kristjáni Þór, að ekki sé minnst á hr. G.a. Þórðarson, blessaðann styrkjaöðlinginn svorna. Og svo er þarna dalagemsinn, sem var svo ofboðslega róttækur sósíalist að hann gekk í Framsóknarflokkinn og varð aðstoðardrengur hjá Sigmundi heimsmeistara og hafði þann starfa að sleikja frímerki og líma þau utan á póst til Tortólu. Hvernig má það vera, að Ásmundur Einar gat ekki verið í flokki með Steingrími, Katrínu og Swandeesý Sendiherrans fyrir nokkrum árum en veður nú slefandi af ráherrafrygð inn í ríkisstjórn með sama fólki? Er drengstaulinn að gera grín að okkur, eða er honum eitthvað áfátt?

Nú stendur sem hæst lokaundirbúningur að gríðalegu samkvæmi að heimili frú Ingveldar og Kolbeins Kolbeinssonar, en samkvæmið mun hefjast formlega klukkan 19:00 í kvöld. Að vísu er allnokkuð af fólk mætt og búið að þjófstarta og sumir strax orðnir drukknir, ég vil ekki segja blindfullir, en býsna ölvaðir samt. Til marks um gleðina, þá var Brynjar Vondalykt ekki fyrr farinn að finna á sér en hann smeygði leyndarlim sínum út um klaufina og hóf uppáhalds iðju sína: að efna til kynferðislegrar áreytni. Indriði Handriði hefir aftur á móti verið hálf óhress síðustu dægri, eða allt frá því að hans ektakærasta, Máría Borgargagn, braut stólinn á höfðinu á honum. Það höfðu nefnilega borist skilaboð inn á heimilið þess efnis, að Handreðurinn hefði stundað svívirðilega og óbjóðandi saurlifnaðariðju utan heimilis um langa hríð. Fyrstu viðbrögð Borgargagnsins vor, eins og fyrr sagði, að keyra það sem hendi var næst, í þessu tilfelli sterkbyggðan eldhússtól úr tré, í hausinn á helvítinu, sem lagði alblóðugur á flótta og faldi sig á ókunnum stað í tvo eða þrjá daga eftir náðarhöggið.

Um klukkan 19:00 mætir svo öll nýja ríkisstjórnin í einni skrípaprósessíu til kvöldverðar að frú Ingveldar og Kolbeins og samdrykkju til að fagna stjórnarmynduninni. Þar verða og þingmenn ríkisstjórnarflokkanna, nema Jón Gunnarsson sem er í fýlu og Birgir Ármannsons sem er í samkvæmisbanni hjá gestgjöfunum. - Hann er svo ámátlega leiðinlegur, strákanginn, að hann gæti eyðilagt allt, sagði frú Ingveldur í morgun þegar hún var innt efir fyrrnefndu samkvæmisbanni.  

Ráðherrakapallinn opinberaður