Félagi Maradonni hefir á réttu að standa

Maradonni er nú dálítið meira en einhver besti og litríkasti knattspyrnusnillingur sem uppi hefir verið; hann er nefnilega landi hins mikla meistara og byltingarmans Ernesto ,,Che" Guevara og það sem meira er: Maradonni var stórvinur og félagi Fídels Castro, sem ekki var síðri meistari og byltingarkempa en félagi Ernesto. Að þessu sögðu má ljóst vera að félagi Maradonni hefir efni á að segja jafn smáskítlegum rakka og Dónaldi Tromp til syndanna, en helsta synd Dónalds, fyrir utan ágirnd af hæstu gráðu, er sem kunnugt er tvíelleft heimska.

Og ólíkt hafa þeir félagi Maradonni og Dónaldur Tromp aðhafst um sína daga; Maradonni skemmti milljonum og aftur milljonum með leikni sinni á fótboltavöllum heimsins meðan Dónaldur óð um Bandaríkin eins og ofurölvi fíll í postulínsbúð og stundaði arðrán og aftur arðrán af skefjalausri frekju og illmennsku. Að Bandaríkjamenn hafi gert þetta auma skoffín að forseta segir oss, að sem þjóð þá er bandaríska þjóðin fársjúk og mun sjálfsagt drepast í sínum eiturvessum, ef fram heldur sem horfir. 

Maradona kallaði Trump strengjabrúðu

Athugasemdir

[Kristbjörn Árnason, 3.2.2018 kl. 12:34]

Gott nafn á fyrirbærinu, Dónaldur. Skaðvaldur eða Dónvaldur