Sigla undir rammfölsku flaggi

Svo það ætlar sér, blessað fólkið, að reyna að kenna sendiherradótturinni á klukku. Það held ég verði nú barn í brók. Sendiherradóttir, sem þykist vera vinstrisinnuð, gott ef ekki róttækur sósíalisti, en er í raun og veru klunnalegur hægridólgur hefir að sjálfsögðu aungvann hæfileika til að læra á klukku og vita yfirleitt hvað tímanum líður. En nú stendur til að gerð verði könnun á meintum vinstrisinnum, sem augljóslega sigla undir rammfölsku flaggi; en í VG er aunginn hörgull á furðufuglum sem falla undir þessa skilgreiningu. 

Í forkönnun sem gerð var á dæmigerðum VG-ista kom í ljós, að villudýrið var sannarlega haldið alvarlegri pólitískri siðblindu og fátt eða ekkert sem benti til að hægt væri að endurstilla hann eða lækna. Niðurstaða vísindamannanna er því, að í pólitískum skilningi séu VG-ingar ónothæft sorp sem hvurgi eigi betur heima en á hinum illaþefjandi pólitíska ruslahaugi. Um samfélagslegt tjón sem þessir ógeðugu svikarar hafa valdið hefir enn ekki verið metið, en ljóst þykir að aungvir pólitískir fuglar hafi skitið eins mikið og rækilega í hreiðrið sitt og VG loddararir sem frægir eru af endemum, sem sé Flokkseigendurnir alræmdu.

Leggja til að klukkan verði færð

Athugasemdir

[Þorsteinn Siglaugsson, 8.2.2018 kl. 20:08]

Það skortir alla róttækni hjá VG og pólitískan vinkil í þetta mál. Deilan ætti auðvitað að snúast um hvort færa eigi klukkuna til vinstri eða hægri.

Hvernig væri að þau girtu sig nú í brók og mynduðust við að færa klukkuna í átt að því sem gerðist í Sovétríkjunum sálugu, eða kynntu sér í það minnsta sjónarmið félaga Stalíns í þessum mikilvægu málum? Svo væri þjóðráð að fela Degi Eggertssyni að sjá um framkvæmdina til að tryggja nú að verkefnið fari ekki í handaskolum.

[Jóhannes Ragnarsson, 8.2.2018 kl. 20:37]

Það er býsna vel af sér vikið að ná að blanda Stalín sáluga inn í klukkumál sem þessi.

[Aztec, 8.2.2018 kl. 21:14]

Óháð því hvort Svandís og restin af VG séu stalínistar, marxistar eða kommúnistar, þá fellur þetta lið í þá gryfju að grípa til orðalags svo sem vísindarannsóknir hafa leitt í ljós og kannanir sýna án þess að vísa í neinar rannsóknir né kannanir, vel vitandi að þær eru hreinlega að ljúga því.

Síðan: Seinki lík­ams­klukk­unni er hætta á að svefn­tím­inn skerðist og með því aukast lík­ur á ýms­um sjúk­dóm­um, s.s. offitu, syk­ur­sýki og hjarta- og æðasjúk­dóm­um. Einnig veld­ur þetta lak­ari fram­leiðni og kem­ur t.d. niður á náms­ár­angri í skól­um auk þess sem sýnt hef­ur verið fram á sam­band milli seinkaðrar lík­ams­klukku og auk­inn­ar dep­urðar/þ​ung­lynd­is hjá ung­ling­um og ungu fólki. Þetta er líka tóm helvítis þvæla.

Á veturna er hér alltaf niðadimmt á morgnana, svo að þetta skiptir engu andskotans máli. Það er engin þörf á því að gera neinar breytingar. Þetta var eina mál Bjartrar framtíðar, flokksins sem endaði með að hafa enga framtíð, hvað þá bjarta.

Að vera eyða púðri í svona tittlingaskít og önnur gæluverkefni er það sem pólítísku viðrinin á vinstri kantinum una sér bezt við, því að alvöru pólítík vita þau ekkert um.

Klukkunni á ekki að breyta. Hvort sólin sé í suðri kl. 12 eða 15° lengra til austurs hefur ekkert að segja, hún sést hvort eð er næstum aldrei hér á landi og enginn veit hvort eð er af því án þess að hafa landkort eða áttavita við höndina. Það er ágætt að geta sagt vinum sem maður á í samskiptum við að hér sé alltaf GMT allt árið, það er svo auðvelt að muna.

[Jóhannes Ragnarsson, 8.2.2018 kl. 22:21]

Svona í alvöru talað Aztec, þá held ég þetta klukkudæmi sé alveg þess virði að skoða það.

[Aztec, 8.2.2018 kl. 22:32]

Af hverju? Það breytir engu. nema hvað til hins verra, þar eð e-mail-vinir mínir í útlöndum þurfa þá að leggja UTC-1  á minnið í staðinn fyrir GMT 

Hvað lýðheilsu, mannheilsu, kvenheilsu, barnheilsu eða dýraheilsu varðar þá hefur seinkun klukkunnar enga andskotans þýðingu. Sem betur fer fellur ríkisstjórnin eftir tæp fjögur ár og VG og hinir vinstri flokkarnir munu tapa stórt. Þá er málið dautt.

[Sindri Karl Sigurðsson, 8.2.2018 kl. 22:39]

Það er áhugavert hvernig námsárangur grunnskólabarna hefur lagast við að senda þau klukkan 9 í skóla í stað 8. Það er gert á sumum stöðum utan höfuðborgarsvæðisins.

Ef það eru rök að það eigi ekki að breyta klukkunni, af hverju var henni þá breytt frá raunveruleikanum? Ríkisklukka Íslands er um 85 mínútum frá raunveruleikanum.

[Aztec, 9.2.2018 kl. 13:07]

Hvernig færðu út að námsárangur hafi batnað síðan á 7. áratugnum? Er einhver áreiðanleg tölfræði fyrir því? Ef krökkunum gengur illa að vakna fyrir kl. 8 á morgnana, þá eiga þau bara að fara fyrr að sofa. Mín reynsla er sú, að námsárangur hafi ekkert með þessar 85 mínútur að gera. (Eru þessar 85 mínútur mældar í Ólafsvík, því að skekkjan miðað við sólstöðu, þegar hún sést, er mismunandi eftir lengdargráðu?)

Nú, klukkunni var flýtt varanlega (þ.e. vetrartími lagður niður) að mig minnir til að hafa betri símasamskipti við viðskiptaaðila annars staðar í Evrópu á skrifstofutíma. Nú halda þessi rök ekki lengur eftir að nær öll samskipti eru rafræn. 

Að breyta klukkunni á Íslandi í marz og október eins og var gert áður er fáránlegt vegna legu landsins nema til að hafa fastan tímamun allt árið við önnur Evrópulönd allt árið. En meintar ástæður fyrir hringlið var upprunalega til að nýta sólarljósið til vinnu á morgnana þegar allt var unnið ljósalaust við skurðgröft. Og allir geta séð, að það á engan veginn við Ísland þar eð morgunsólin er bara snemma á ferðinni yfir hásumarið. Á sama hátt er algjör óþarfi að seinka klukkunni bara til þess að vera í réttu tímabelti og til að hægt sé að búa til bitling fyrir einhvern flokksfélagann í VG (opnuð yrði klukkuseinkunardeild í forsætisráðuneytinu mönnuð flokksfélögum).

Því að lýðheilsa kemur þessu ekkert við. Einn klukkutími skiptir engu máli hér á landi og engin haldbær rök fyrir því að seinka klukkunni. En ég er viss um að einhver stjórnarliði fari að gaspra um að bæta sérstöðu landsins því að með seinkuninni yrði Ísland eina ríkið sem væri alfarið í þessu tímabelti (UTC-1). Eins og sést, þá álít ég þingmenn VG vera óstjórntæka fábjána, meðan Jóhannes álítur þá vera bæði það OG svikara. Sem þeir vissulega eru þegar litið er á hvernig þeir forðast verkalýðinn eins og heitan eldinn þrátt fyrir að kalla sig vinstriflokk.

[Kristbjörn Árnason, 9.2.2018 kl. 13:46]

Þú hefur greinilega farið öfugu megin fram úr félagi. Mér er ómögulegt að skilja það fólk sem er á gangi sólbjörtu veðri sé hyski. Það ber það ekki með sér á myndinni ef ég skil orðið hyski rétt. 

Síðan er það auðvitað ansi teyjanlegt hvað er að vera sósíalisti og hvernig hann að starfa í þágu okkar sauðsvartra almúgamanna hverju sinni. 

Eiga slíkir menn að vera hreinir bókstafstrúarmenn eða eiga þeir að taka aðstæðum eins og þær eru hverju sinni, rétt eins og hverju hundsbiti.

[Aztec, 10.2.2018 kl. 01:52]

Hverju kom VG í gegn í vinstristjórninni sálugu sem gagnaðist sótsvörtum almúganum? Ekki nokkrum sköpuðum hlut. Þeir sýndu þvert á móti að hjarta þeirra sló fyrir elítuna og tekjuöflun ríkisins var eyrnamerkt einskisverðum gæluverkefnum meðan álagningar á almenning jukust. Kommúnistarnir og öfgafemínistarnir í VG litu á alla stórskulduga sem höfðu vogað sér að eignast íbúð að nafninu til sem auðvaldsdólga. Þeir litu á öryrkja sem untermensch sem áttu ekki einu sinni skilið að fá auglit stjórnarliða. Allt á meðan hlaðið var undir flokksfélagana og menntunarleysingjana úr Félags'vísinda'deild HÍ. Þeir skildu ekki að þegar geisar kreppa, þá er það heimska að leggja á fleiri skatta. En Steingrímur var jú og er pólítískt viðrini.

Nú er VG orðinn valdamesti flokkurinn í ríkisstjórn og sagan mun endurtaka sig, fjáraustur í einskisverð gæluverkefni eins og hnattræna loftslagssvindlið. Nema hvað núna er ekki kreppa, þökk sé Sjálfstæðis- og Framsóknarflokknum, sem tóku við þrotabúi vinstristjórnarinnar 2013.  

[Aztec, 10.2.2018 kl. 01:58]

Þar eð blog.is forritið skilur ekki úrfellingskommu vil ég endurtaka: 

Allt á meðan hlaðið var undir flokksfélagana og menntunarleysingjana úr Félagsvísindadeild HÍ.

Orðið vísinda er skáletrað því að félagsfræði er ekki alvöru vísindi. Í Félgasvísindadeild er líka að finna uppáhaldsnámsgrein femínistanna, kynjafræði. Óþarfasta nám allra tíma og blóðugt að skattgreiðendur skuli þurfa að standa undir því.