Þó var gaman að heimili frú Ingveldar og Kolbeins alla landsfundarhelgina

Það stendur öllum nákvæmlega á sama hvort toppeðjót evrópskra stjónmála verða fjarri þegar heimsmeistarakeppnin í fórbolta fer fram í Rússlandi í sumar. Einkum þó og sér í lagi er almenningi í Rússlandi, sem og annarsstaðar í veröldinni, nákvæmlega sama um hvar hinar alræmdu íslensku stjórnmálafígúr liggja meðan boltinn rúllar hjá Pútín karli. Það er víst fátt neyðaralegra í fréttum þessa dagana en að verða vitni að því þegar örlitli íslenski utanríkisráðherrann rembist við að belgja sig út af aungvu og hafa í hótunum um að íslenskir ráðamenn séu að hugsa um að sniðganga heimsmeistararmótið í Rússlandi; satt að segja er ósköp lítið varið í að vera Íslendingur þegar eitt hænsnaegg, fúlegg meira að segja, er farið að gala eins og hani og gera kröfu til að teljast til manna.

Alla núliðna helgi var geysimikið um að vera að heimili sæmdarhjónanna frú Ingveldar og Kolbeins Kolbeinssonar skrifstofustjóra og framsóknarmanns, enda var landsfundur hjá Sjálfstæðisflokknum og settust landsfundarfulltrúar að drykkju að frú Ingveldar og Kolbeins eftir að almennum knæpum og krám var lokað. Margir landsfundarfulltrúar fóru að vísu fyrst á hóruhús áður en þeir heimsóktu frú Ingveldi og Kolbein, en þeim pésum varpaði frú Ingveldur þegar í stað á dyr um leið og fann fann af þeim vændishúsafnykinn og sagði þeim að hún vildi ekkert með andskotans melludólga hafa að gera í sínum híbýlum. Þannig fuku margir góðir drengir niður útidyratröppur sæmdarhjónanna, þar á meðal ekki færri en fimm sjálfstæðisfraukur, yfirbugaðar af brókarsótt.

Annars var frú Ingveldur og framvarðarsveit Flokksins búin að semja nýjan söng, sem hefst sona: ,,Við puttum, við puttum, með puttunum stuttum og ganglóum og guttum þykir það gott." Þetta lag varð líka það langvinsælasta þessa skemmtilegu landsfundarhelgi Flokksins, svo vinsælt meira að segja, að ráðherrar Flokksins sungu óvart bút og bút úr því í miðjum ræðum sínum á landsfundinum. Og heima hjá frú Ingveldi kúkaði sjálfur Brynjar Vondalykt í sig þegar hann söng hæstu trillurnar í nýja laginu, og skánaði ekki þefurinn af kauða við það. En Brynjar Vondalykt er vinsæll maður og kómu nú vinir hans til hjálpar, þeir Kolbeinn húsbóndi og Indriði Handreður, og fóru með vin sinn inn á baðherbergi til verkunar. Þeir læstu að sér baðherbergishurðinni og vóru lengi þrír inni og vissi aunginn hvað þar gjörðist. Loks steig Brynjar Vondalykt fram, eldrauður í framan eins og nýspjölluð heimasæta úr afdal fyrir austan.

Á meðfylgjandi mynd sést hvar frú Ingveldur varpar einni bersyndugri flokkssystur sinni á dyr með óblíðum handtökum.

Viðbrögð Breta „ekki dramatísk“