Leita í fréttum mbl.is

Hverjir fá að gambla með ,,þjóðarsjóðinn" og stela úr honum?

hannez5_897707.jpgÞað verður gaman fyrir þjóðina að fylgjast með hverjir fá að gambla með og stela fjármunum úr ,,þjóðarsjóðnum" atarna, sem betur væri nefndur ,,þjófasjóður" til heiðurs þeim endemum sem stolið hafa sameignum þjóðarinnar, falið þýfið á tortólum og sesileyjum, eða hvað þeir nú heita þessir útnárar, og keyrt efnahagskerfi þjóðarinnar í þrot og Hrun. Og það skuli vera gerendur í Hruninu mikla, sem nú berja sér á brjóst og segjast ætla að stofna þjóðarsjóð er svo hlálegt að maður trúir varla sínum eigin eyrum.

Hvernig væri annars að nota arðinn frá Landsvirkjun fyrst í stað til að endurreis heilbrigðiskerfið og vegakerfið í landinu, þó ekki væri meir, áður en farið verður að safna í einhvern andskotans skítasjóð, í líkingu við lífeyrissjóðaskandalinn, sem notaður verður til að fjármagna fjárglæfra Sjálfstæðisflokksmanna? 

Væri ekki líka kjörið, að við, alþýða Íslands tækjum okkur einusinni til, stæðum með sjálfum okkur, og stöðvuðum veislu auðvaldsins, arðrán þess, lygar og óþveraskap með því að fleygja draslinu sem þar búverkar á ruslahauga sögunnar? Er eitthvað sem afsakar linkind okkar við forhert, þrælskipulögð glæpasamtök auðvaldsins hér á landi? Hvað er það sem réttlætir að nokkrir yfirgangshundar hafi til dæmis tekið fiskveiðiauðlindina svo gott sem eignarnámi, haldi bönkum í gíslingu og láti þá um að framkvæma ránið fyrir sig um hábjartan dag þannig að langflest sjávarþorpin standa nú við dauðans dyr, svívirt af gráðugum péníngapérvertum, sem telja sig eiga alskostar við aðra landsmenn? Á ekki að steypa svona villudýrum af stóli og taka af þeim þýfið, með illu eða góðu? Eða ætlar Ísland að vera til eilífðar eitt gjörspillt fúafen spillingar og leikvöllur hins péningaþyrsta og valdasjúka Sjálfstæðisflokks? 


mbl.is Frumvarp um þjóðarsjóð næsta vetur
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Aztec

Nei, nú hefurðu enn og aftur misst stjórn á ímyndunaraflinu. Nota gróða Landsvirkjunar, sem pínir venjulega neytendur meðan Alcoa fær rafmagnið á kvartvirði og greiðir enga skatta, í heilbrigðiskerfið?

Heldurðu virkilega að Sjallarnir, Framsókn og Vinstrikommúnistarnir myndu vilja að fólk sem er of lasburða til að berjast fyrir auknum framlögum til spítalanna, fari að hressast? Ekki séns.

Aztec, 19.4.2018 kl. 14:21

2 Smámynd: Jóhannes Ragnarsson

Ég mótmæli harðlega að VG séu einhverjir ,,vinstrikommúnistar", það eru þeir ekki; þeir eru ekki einusinni neitt vinstri, hvað þá meir.

Fyrir mig er alveg sjálfsagt að missa dulítið stjórn á ímyndurnaraflinu því ég er nefnilega skemmtilega skáldlega sinnaður að upplagi. Og þó, það eru víst líka einhverjum sem er illa við skáldskapareðli mitt og hafa jafnvel megnustu skömm á því. En sem betur fer er mér fjárans sama um neikveætt álit leiðindafólks og ætla að halda mínu striki ótrauður áfram.

Jóhannes Ragnarsson, 19.4.2018 kl. 14:34

3 Smámynd: Aztec

Jóhannes, þú af öllum mönnum ættir nú að geta skilið kaldhæðni og grín. Og smá stríðni.

laughing

Mér er alls ekkert illa við ímyndunaraflið í þér, skáldskapinn og gálgahúmorinn, þvert á móti. Það er nú aðallega þess vegna sem ég (og 500 aðrir á hverjum sólarhring) les allar þínar færslur. Og þótt ótrúleg megi virðast, þá er ég þér oftast sammála.

En haltu endilega áfram þínu striki. 

Aztec, 20.4.2018 kl. 01:41

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband