Dósent, Aðjúnkt, Dósóþeus og slagandi risakolla

Eva Heiða Önnudóttir dósent er þekkt fyrir spaug og dáraskap og hún lætur ekki sitt eftir liggja að henda gaman að framboðsraunum í höfuðborginni. Að henni skuli detta í hug að hinn mikli fjöldi framboða gæti haft þær afleiðingar að einstaklingarnir í framboði hafi meiri áhrif á niðurstöðuna en nokkur hefði órað fyrir, er so brillíjant hlálegt að maður verður langan tíma að ná sér.

Í vetur leið spurði leiðinlegur vandræðagemlingur mig að því hvort dósentar væru virkilega afkomendur heiðursmannsins Dósóþeusar Tímóteussonar. Nú var úr vöndu að ráða því freistandi var að taka undir lýgina, sem einhver eða einhverjir höfðu komið inn í kollinn á þessum vanmetageldstegg, hinsvegar er varla gustukarverk að spila með þennan garm svo ég sagði honum að mér kæmi málið ekki við.

Nú má vera að Eva Heiða Önnudóttir dósent sé vel ættuð og í samræmi við það ætti að rita nafn hennar Eva Heiða Önnudóttir Dósent, takið eftir: Dósent ritað með stóru D-i. Svo er annar ættbálkur að störfum, Aðjúnktarnir. Ekki hefi ég minnstu hugmynd um hvaðan Aðjúnktarnir eiga uppruna sinn. Sumir segja að þeir komi að austan, jafnvel austan úr Addjunnktu, sem er smábær austur í Norðvegi. Aðrir eru fullvissir um að Aðjúnktarnir dragi nafn sitt af ,,að-junnk að-junnk", sem heyrist stundum þegar fólk í hjónabandi er að gera dodo. En fyrst og fremst er nafngiftin Aðjúnkt stór-hlægileg og upp í hugan kemur risavaxin æðarkolla, dauðadrukkin og slagandi.

Margir flokkar sækja á sömu mið

Athugasemdir

[Þorsteinn Siglaugsson, 5.5.2018 kl. 20:49]

Eva Heiða Önnudóttir er eiginlega svo spakvitur að hún hlýtur að vera bæði dósent (það var nú stundum haft um kokka til sjós sem elduðu allt úr dós) og aðjúnktur líka.

[Jóhannes Ragnarsson, 5.5.2018 kl. 21:09]

Já, ég geri fastlega ráð fyrir því. Eiginlega hlýtur hún að vera aðjúnktur líka. En dósakokkar máttu gera ráð fyrir, í mínu ungdæmi, ljúka ferli sínum með því að koma ekki land ...