Þær mega þakka fyrir að fá þó að vinna í kjólgopum

Nú ættu athafnaskáldin, sem rekur Harð Rokk, að taka Leif þennan hjá Eflingu þrælataki, klæða hann í kjól og skipa honum harðri hendi að þjónusta gesti Harð Rokks Kaffis. Ekki kæmi til mála að Eflingar-Leifi væri heimilt að klæðast nærbuxum undir kjólnum í vinnunni þannig að greið leið væri fyrir pervertíska viðskiptavini að klípa hann í hreðjarnar, rétt á meðann hann væri að skammta þeim á diskana.

Fljótt á litið ætti kvenpéníngurinn, sem á því láni að fagna að hafa verið ráðið til vinnu á Harð Ross Kaffi, að vera þakklátur fyrir fá að ganga um beina í fötum, í þessu tilfelli kjól. Athafaskáldunum sem ráða ríkjum á þessum vinnustað gæti líka þóknast að skipa vinnukonum sínum að ganga í búrkum við vinnu sína. Varla þætti griðkunum það skárra.

Í eina tíð störfuðu frú Ingveldur og Máría Borgargagn í kaupfélagi. Síðan eru liðin mörg ár. Ítrekað mættu þær til vinnu í kjólum eða pilsum og einlægt kviknaktar undir, og brjóstahaldara báru þær ekki við að brúka og var fjandans sama hvort annað brjósti slengdist upp úr hálsmálinu annað slagið þegar þær vóru að afgreiða kétfars ofan í kúnnann. Þær stallsystur þóktu afar upplífgandi vinnukraftar í kaupfélaginu og var til þess tekið hvað kallskepur gerðust auðsveipar við þær og stimamjúkar. Svo fór allt í bál og brand þegar teprulegar kéllíngarskjátur uppgötvuðu að karlar þeirra báru sér í brjósti ólman fryggðarhug til frú Ingveldar, sem þá hét jómfrú Ingveldur, og Máríu Borgargagns, sem líka var ólm og að sama skapi djörf.

 

Neita að ganga í kjól í vinnunni

Athugasemdir

[Aztec, 9.5.2018 kl. 21:35]

Já, þessar konur mega fyrir alla muni ekki vera kvenlegar! Það væri alveg voðalegt á þessu teprulega landi hér. Alltaf eru þær í þessum andskotans lörfum svo að þær líkjast kartöflupokum og hreyfa sig eins og spýtukellingar.

Ég man ekki hvenær ég sá síðast íslenzkan kvenmann sem bar með sér bara snefil af kvenleika og kynþokka. Ég held að síðast hafi sézt þannig íslenzk kona á hernámsárunum.