Og biðja að hann kalli páfann til sín

Þá eru nú hreinsanir páfa hafnar með hrottafenginni aðför að kynvilltum bysskubbum í Chile. Það er ljóst að páfa er verulega í nöp við þessa menn, sem til skamms tíma vóru álitin sérleg guðslömb í sinni sveit. Ekki er með fullu vitað um afdrif bysskubbanna, en líklegt má telja að þeir hafi verið hengdir eins og hundar.

Vissulega er erfitt að búa við kynferðislega bilaða bysskubba, einkanlega þá sem fengið hafa jésúsöguna ,,Leyfið börnunum að koma til mín" á heilann og vilja aungvu öðru sinna en æskulýðsstörfum, helst með drengstúfum. Einhverju sinni voru þeir búnir að dubba fullkominn öfugugga upp til bysskubbs, en fengu bakþanka þegar þeir sáu hvers kyns var og bysskubbssmánin fannst steindauður bak við hús aðeins örfáum dögum eftir að hann var vígður.

Það er haft á orði innan Páfagarðs, að páfinn sé orðinn trylltur og tali um að höggva og hengja alla kattólska bysskubba hvar sem í þá næst of ennfremur, að hér eftir verði aunginn bysskubb vígður nema að undangenginni geldingu með hrossatöngum. Og páfinn er svo ósvífinn í framgöngu sinni, að hann hikar ekki við láta semja sálma, sem syngja skal við geldingar og vígslu nýgeltra bysskubbsefna. Eru nú allir kennimenn kattólslu kirkjunnar lagstir á bæn og heimta hástöfum af Guði, að hann taki í taumana og kalli páfann til sín áður en hann gerir meira af sér.

Samþykkir afsögn þriggja biskupa