Som en heypoki

Og hann valt um koll úr pontunni, sem einn heypoki, og var borinn úr húsi og lagður til utanvið bakdyrnar. Klukkutíma síðar var gáð að honum en þá var hann horfinn á braut. Allt var þetta gott og blessað og öllum stóð hjartanlega á sama hvað af honum hafði orðið.

Um kveldið hafði honum vaxið svo ásmegin að hann sást í hörkuslagsmálum við erlenda ferðamenn utan við vertshús nokkuð í miðborginni. Ljóst má þó vera að honum hefir orðið illa á í messunni og því þykir við hæfi að dæma manninn í mánaðar afplánun að heimili frú Ingveldar og Kolbeins, eiginmanns hennar, Kolbeinssonar.

Allir vita, að afplánun undir handarjaðri frú Ingveldar er tilvalin fyrir bögubósa sem oltið hefir um koll út úr pontunni sem einn heypoki. Sennilega mun frú Ingveldur hefja refsingarferlið með því að varpa honum í miðstöðvarkompuna og láta Brynjar Vondulykt fást við hann þar í svo sem um það bil sex klukkustundir. Síðan mun hún eflaust sjá til hvernig úr spilast. 

Páll Magnússon datt úr pontu (myndband)