Hann mun hlaupa eins og tarfur með kvinnurnar á eftir sér

Þó það nú væri að Steingrímur J., sem sumir kalla ævinlega Stenngrímm, hafi hjálpað ungu fólki til að búa til list og leyft því að hlaupa strípuðu um allt Alþingishúsið eins og tápmiklum fjallalömbum. Þessi listrænu hlaup verða þegar fram í sækir reiknuð Steingrími til tekna og til marks um eindæma framsýni hans. 

Hitt vita færri, að Stenngrímmur hefir hugsað sér gott til glóðarinnar og nota strípihlaup gelgjutelpnanna sem ákjósanlegt fordæmi fyrir sig sjálfan. Steingrímur ætlar nefnilega bráðlega að taka til fótanna um sali og ganga Alþingishússins, og þá verður nú ekki hlaupið ber að ofan heldur að neðan og þannig ætlar hann sér að ösla um allt húsið með myndavélar á eftir sér. Og þá verða áhorfendur ekki slefandi graðkarlar á versta aldri heldur kvakandi kvennaval, sumar lögblindar, en það gerir ekkert til.

Það er ástæða til að minna fólk á að hafa vakandi auga með Stenngrímmi til að missa ekki af því þegar hann lætur til skarar skríða, því það mun verða óborganlegt gaman að sjá þennan samherja Samherjanna þegar hann bregður á leik og hlaupur eins og tarfur um þinghúsið með þingkvinnurnar baulandi, umlandi og froðufellandi á eftir sér, berar að ofan. Nema hvað?

Berbrjósta á Alþingi með góðfúslegu leyfi