Viðeigandi byrjun

Það er verulega viðeigandi hjá okkur sósíalistum með Sönnu Magðalenu í fararbroddi, að hefja leik með því að taka soldið harkalega í sjálftökulurginn á hinum sjálftökuglöðu borgarfulltrúum. Ekki er síður nauðsynlegt að taka laun borgarstjóra og vesælla bæjarstjóraræfla og skera þau niður við trog; það þessi auðvirðilegu gerpi séu með mikið hærri laun en boegarstjórar heimsborga sem telja íbúa í milljonum er svo afkáralegt að ekki er einusinni hægt að hlægja að þeirri vitleysu.

Þá er ekki síður tilefni til að velgja ráðherragemsunum undir uggum og þá ekki síst forsætisráðherranum og forseta Alþingis, en hann hefir ráðherralaun, og lækka þau niður í 700 þúsund krónur á mánuði og afnema ýmsar aukasporslur, sem kvikindin hafa komið sér upp í áranna rás. Þetta munum við sósíalistar gera með glöðu geði eftir næstu Alþingiskosningar í kjölfar stórbrotins kosningasigur. Já. Best væri að gera lög um laun ráðherra og forseta Alþingis afturvirk og gjöra núverandi ráðherrum og alþingisforseta að skila aftur illa fengnum ránsfeng sínum úr sameiginlegum sjóði landsmanna.

En því miður mun meirihluti borgarstjórnar Reykjavíkur ekki samþykkja að ránsfengur þeirra verði rýrður og varla verða bæjarstjórnir nágrannasveitarfélaga Reykjavíkur, og reyndar margar fleiri bæjarstjórnir, tilfáanlegar í að lækka laun bæjarstjóra sinna niður í ásættanlega tölu. Þetta auma lið er hvort eð er allt brennimerkt spillingunni, ójöfnuðinum og skinhelginni og fráleitt við sæmilegu að búast úr þeirri átt. Því satt að segja er allt okkar sjórnkerfi, ásamt með stofnunum og einkarekstri, gjörspillt og rotið niður í rót og maður gengur undir manns hönd að halda spillingunni, lýginni og óþverraskapnum við með öllum hugsanlegum ráðum. Gætum að því. 

Vill afnema greiðslur fyrir fundarsetu