Nú verða kroppinbakarnir að koma skríðandi á fjórum fótum

Assgoti getur hún alltaf verið fyndin og grínaktug hún Vigdís, blessuð gamla konan. Mér finnst satt að segja að allar Íslands dætur eigi að fylgja Vigdísi og og gjaöra hana að sinni fyrirmynd og ekki síður helgimynd. Svo koma einhverjir uppþornaðir og afdankaðir kroppinbakar og skensa þessa skynsömu, djúpvitru konu, ljúga upp á hana alvarlegum ásökunum og gjöra lítið úr henni á allan hátt.

En sú stund mun renna upp, sem betur fer, að kroppinbakarnir verða að koma skríðandi á fjórum fótum, eins og lágfættir hundar, og bija Vigdísi fyrirgefningar á öllum ærumeiðingunum, illmælginni um hana og svívirðingum, sem fáum einum afburðakonum er gefið að sitja undir án þess að brotna í mél. Já, það verður ekki gáfulegt upplitið á þeim þá, andskotans kroppinbökunum atarna, og fjandi held ég pungurinn á þem verði skorpinn daginn þann.

Það eru margir á því, að það hafi verið sérstök og heillandi guðsgjöf að fá hana Vigdísi inn í borgarstjórnina í Reykjavík og það er áreiðanlega satt og rétt. Það hefir heldur aunginn borgarfulltrú í Reykjavík verið jafnoki Vigdísar, hvað þá henni fremri, nema eftir vill að Sóley Tomm Fílí Romm Bomm Bomm og Hrannar Björn hafi kanski komist með nöglurnar á stórutá þar sem Vigdís hefir hælana; en bæði Sóley og Hrannar Björn höfðu orð á sér að vera mestu æringjar og órabelgir í borgarstjórn. 

Vigdís fer fram á afsökunarbeiðni