Bólusetingaraðferð Gottfreðs læknis virkaði mjög vel

Þegar Gottfreð læknir á sínum tíma vann að bólusetningu í sínu læknishéraði gegn krataeðlinu og framsóknarvírusnum hafði hann þá aðferð að hlaupa óforvandis inn í hús hjá fólki með sprautuna á lofti og stakk hvern þann er fyrir varð beint í rassgatið og dældi. Síðar sagðist honum svo frá, að þetta hefði verið skilvirkasta leiðin til að hefta útbreiðslu þessara sjúkdóma, en fólk í læknishéraðinu var mjög trassasamt með að mæta hjá Gottfreði til sprautunnar.

Enhverju sinni varð Gotfreði það þó á að stökkva inn til Þorgarðs skipstjóra Þorgarðssonar þeirra erinda að sprauta karlinn, kerlingu hans og krakkana, gegn hinum skæðu vágestum. Því miður brjálaðist Þorgarður um leið og hann sá hver kominn var og hvað þessi gestur hafði í hyggju. Þorgarði tókst í miklum flýti að slæma öðrum hramminum í handlegg læknisins svo sprautan kastaðist upp í loft og sat þar föst á nálinni. Gottfreð gerði sér strax grein fyrir að nú var íllt í efni, sprautan töpuð og handleggurinn líkast til brotinn eftir hramminn á skipstjóranum svo hann afréð að taka til fótanna.

En þá kom í ljós að Þorgarður Þorgarðsson skipstjóri var ekki á þeim buxunum að láta læknisillyrmið sleppa svo glatt og veitti honum eftirför. Aðvitað sturlaðist Gottfreð af hræðslu þegar hann sá hvernig komið var og tók stefnuna til fjalls með skipstjórann másandi og urrandi á hælunum. Enn í dag hefur Gottfreð ekki hugmynd um hvernig honum tókst að hlaupa í einum blóðspreng upp snarbratta hlíðna og fjögur klettabelti að auki; hann rankaði ekki við sér fyrr en liðið var á daginn og þá sá hann að hann var staddur langt uppi á háfjöllum. Hann var rifinn og tættur og blóðugur, með buxurnar niðri á hælum og logsveið soleiðis í afturendann að aungvu  var líkara en hann hefði verið hýddur með gaddavírsvendi. Hann reiknaði með að óvætturin Þorgarður hefði náð sér þarna og misþyrmt, sem var víst alveg rétt. Þrátt fyrir þessar hrakfarir bjargaði Gottfreð læknir lænishéraði sínu samt frá eilífri tortíming og landauðn af völdum krataeðlisins og framsóknarvírussins.  

Fái greitt fyrir bólusetningar barna