Jóhannes Ragnarsson

10.9.2018 | 18:13

Skútuöldin endurreist og sexæringar byggðir

Þar kom að því að kálfarnir í VG fengu Sjálfstæðisflokkinn og Framsókn með sér í umhverfis- og loftslagsleik. Til að allt fari nú vel þá ætla stjórnvöld að endurreisa bæði skútuöldina og sexæringaöldina, leggja allt flug niður nema grjóthrun í klettum og moka ofan í alla skurði með skóflum, ekki vélskóflum heldur með venjulegum handknúnum malarskóflum. Þetta þykjast auðvaldströllin í Sjálfstæðisflokknum og Framsókn ætla að láta eftir kálfunum með það fyrir augum að þeir verði duglegir í auðvaldspólitíkinni að öðru leyti, auðsveipir og undirgefnir, sem þeir að sjálfsögðu verða.

Og þessi ósköp gerast undir ,,umhverfis- og auðlindaráðherra" sem ekki nokkur lifandi maður hefir kosið til eins eða neins. Það er býsna vel af sér vikið. En auðvitað þarf aunginn að óttast óttast ,,aðgerðaráætlun ríkisstjórnarinnar" af þeirri einföldu ástæðu að hún kemst aldrei til framkvæmda, því Íhaldið og Framsókn verða löngu búin að sparka VG kálfunum út í hafsauga fyrir 2030 og jarðsyngja þá í einum malarbing austur í Holtum, - nú , eður sökkva þeim í sæ austur á Dreka.

Og fyrst Sjálfstæðishetjunum og Framsókn hefir tekist að fífla garmana í VG sona líka andskoti laglega og gera þá að fíflum munu þeir láta kné fylgja kviði og reisa þeim styttu til háðungar á völdum stað. Það líkneski mun verða með kvinnulíkama en þar á ofan hrosshaus með horn, og hali styttunnar verður aunginn hégómi eður músaskott, heldur sérkennilegur útvöxtur í reðurlíki. Og þar eð Gluggaskrautið og ráðherrann sem aunginn lifandi maður kaus eru nú sona og sona til höfuðsins, þá munu þau ekkert fatta og syngja og dansa kringum eigin háðung með helstu dólgum auðvaldsins.