Vér fáum náttúrulausan forstýring að Orku náttúrunnar

Nú ku standa til að ráða vita náttúrlausan forstjóra að Orku náttúrunnar, kynlausan uppskafning með frjálshyggjuskotin hagfræðiþvætting í stað hugansi heila. Eftir það verður ekki mikið um ósæmilega tölvuskothríð úr höfuðstöðvum Orku náttúrunnar til starfsmanna um helgar. Já, vér endurheimtum Orku náttúrunnar úr þvagblautum klóm Orku ónáttúrunnar.

Svo kemur á daginn, öllum að óvörum, að stýrimaður Eyþórs, Hildur nokkur Bjarnardóttir, kann að nefna orðið ,,kúltúr" og hefur það um framgöngu náttúraða náttúruorkuforstjórans, sem nú hefir verið rekinn eins og illa artað graslamb til fjalla eða sekur hundur út í hafsauga. Nú skilst oss, lágtsettum og heimskum, að ,,kúltúr" merki menningu, eða eitthvað þessháttar. Hildur Bjarnardóttir kemur úr Sjálfstæðisflokknum, en í honum hefir aldrei verið nein menning og heldur ekki neinn kúltúr, svo vandséð er hvað konan er að vaða með sona munnsöfnuði sem hún skilur ekki sjálf.

Og sem ég skrifa þessi fátæklegu orð um væntanlega tilkomu náttúruleysingjans í Orku náttúrunnar sé ég út undan með hvar söngkvendið Madonna hamast við að klæmast sjónvarpsskjánum hjá mér á þannig óviðkunnanlegan og óviðeigandi hátt að ekki verður hjá því komist að slökkva á sjónvarpstækinu. Það er alveg ljóst að ekki mun þýða fyrir þessa andstyggilegu klámkerlingu að sækjast eftir forstjóradjobbi hjá hinum háheilaga og kúlívéraða helgidómi Orku náttúrunnar, sem heyrir víst undir ekki ómerkari selskap en hina gjörspilltu og veruleikafirrtu hreppsnefnd Reykjavíkukaupstaðar.   

 

 

Hegðun sem ekki á að líðast

Athugasemdir

[Þorsteinn Siglaugsson, 14.9.2018 kl. 22:49]

Það er í það minnsta ljóst að náttúran hefur verið útlæg ger úr þessu fyrirtæki sem er við hana kennt og á því fékk hinn náttúrumikli forstjóri að kenna fyrir ónáttúruna í sér ...

Svo er greinilegt að Sjálfstæðisflokkurinn er aukinheldur orðinn alveg náttúrulaus líka, en það gerist víst oft þegar kúltúrinn hefur innreið sína, gjarna í líki sæskordýra svamlandi í kampavíni - eða var það kannski hvítvín?