Eitt óhrjálegt sóðadæmi um gerspillingu

Jæja, þá hefir elítu snobbfundur þeirra Steingríms og Katrínar snúist upp í að vera óhrjálegt sóðadæmi um gerspillingu og ofsabruðl með peninga fólksins í landinu. Þau skötuhjúin höfðu víst ætlað að láta þessa kynlegu samkomu til að auglýsa dýrð sína, en Steingrímur og Katrín er sem kunnugt er ekkert alþýðufólk, heldur álíta þau sig, ásamt Svavarsfjölskyldunni og Álfheiði, eitt stórmerkilegt aðalsslekti í mektargarði hinnar borgaralegu elítu.

Og fundurinn Steingríms og Katrínar á Þingvöllum í sumar var á mála blaðamanna eitt allsherjar, stærðar flopp og öllum til skammar er að komu. Eitt með öðru var að teymd var í ræðustól grettin og andstyggileg rasistakerling af dönskum uppruna; það þókti sumum hin mesta hneysa en aðrir hlógu að uppátækinu og slógu sér á lær með þeim orðum að ekki væri á það logið, alþingisfólkið, með vitleysuna og uppskafningsháttinn. En yfir þessum ósköpum trónaði Steingrímur þingforseti með bónaðan skallann og sviptivindarnir blésu pilsum kvannvarganna upp yfir höfuð þeim, Það var ljótt að sjá.

En nú sitja Steingrímur og Katrín uppi eins og keisarabjáninn á nýju fötunum. Búið er að afhjúpa bruðlið og úrkynjunina og réttast væri að láta þá umskiptinga greiða fyrir svallið úr eigin vasa en hneppa það í varðhald ella. Og það er ekki laust við að sjá einn og einn óþreyjufullan Íslending standa í fjörunni og stara til hafs og biðja og vona að Jörgen Hundadagakóngur komi aftur, eða annar honum líkur, til að fresla þjóðina frá hinum andstyggilegu uppskafningum, sem hreiðrað hafa um sig á Alþingi og í stjórnkerfinu.

Kostaði 87 milljónir

Athugasemdir

[Þorsteinn Siglaugsson, 17.9.2018 kl. 15:39]

Það merkilegasta í þessu er að það hafi þurft tíu milljónir í "lýsingu" á miðju sumri, um hábjartan dag.

Kannski áttu þau von á að sól myndi sortna þegar góðvinkonan úr Danaveldi trítlaði í pontuna?

Svona eins og gerðist þegar forverar þeirra í embætti hengdu frelsarann á krossinn forðum tíð ...

[Þorsteinn Siglaugsson, 17.9.2018 kl. 19:20]

Afsakið, það voru víst tuttugu miljónir sem fóru í lýsinguna

[Jóhannes Ragnarsson, 17.9.2018 kl. 19:35]

Þetta er allt hið dularfyllsta mál. Ekki stóð til að krossfesta fraukuna, sólmyrkvi ekki í kortunumog albjart allan sólarhringinn. Ekki voru vikulangir rokktónleikar inni í myndinni á Þingvöllum. Þeir hljóta að hafa verið með hágæða lýsingu í gjótum og sprungum út um allt hraun allt inn til óbyggða.