Hið harðlæsta vitfirringahæli sæmdarkvennanna

Jæja, þá hafa frú Tomm og jómfrú Lilliendalh gert í bólið sitt með slíkum endemum að vandséð er að afrek þeirra verði nokkru sinni jafnað, hvað þá bætt. Fraukurnar héldu sem sé að þær gætu lokað svo vel að sér á netinu að aunginn kæmist nokkru sinni göfug skrif þeirra þar. En það fór víst eitthvað á annan veg því eitt af fórnalömbum munnsafnaðar þeirra, Jón Steinar lögmaður, komst í leyndóið þeirra og las þar um sig þvílík firn og býsn að hann verður langalengi að ná sér eftir þá lesningu.

Nú spyr sig eflaust einhver til hvers fraukurnar hafi komið sér upp sona vefsíðu, þar sem barið er vægðarlaust á karlkyninu og kunnir einstaklingar af því óþverrakyni margrotaðir með fólskulegu orðbragði, sem gamli Pokurinn í Víti væri fullsæmdur af, og er hann ekki orðvar náungi, þér að segja. Sennilega fá frú Sóley Tomm Fýlí Romm Bomm Bomm og jómfrú Lilliendalh mikla sálarbót með því að ráðast að lögmanni með pung, og trúlega fleir pungberum, með svívirðingum, sem flestir halda að aðeins vitfirrtir sjúklingar láti sér um munn fara inni á þar til gerðum vitfirringahælum. 

En nú skilst oss að fyrrnefndar frú Tomm og jómfrú Lilliendalh, ásamt öðrum álíka kvennlegum skrípidömum, hafi opnað svo harðlokað vitfirringahæli á Facebook að aunginn geti litið þar inn nema innvígðar blótneytisdrósir með langvarandi, krónískt harðlífi. En því miður eru kerlingarkjökrin fremur seinheppinn, því nú hefir lögmaðurinn Jón Steinar náð að smygla sér inn á hið harðlæsta vitfirringahæli til að hlýða á og lesa þar fjölmargar svívirðingar og blóðugar skammir, ásamt hótunum, um hann sjálfann. Og fyrst svona er komið þá hyggur margur að nú sé leiðin frá harðlæsta netvitfirringahælinu og yfir á gula vitfirringarhælið með rauða þakinu inn við Sund vera farin að styttast all-ískyggilega. 

Níða Jón Steinar á lokuðu vefsvæði

Athugasemdir

[Már Elíson, 19.10.2018 kl. 17:46]

Það kemur reyndar hvergi fram í þessu blaði eða hjá þeim sem styðja Jón Steinar, hvað veldur þessu meinta níði hjá/frá viðkomandi hóp. - Hvað hefur hann (hópurinn)fyrir sér, og afhverju verður hann (Jón Steinar)fyrir "níði". - Meira að segja hann segir ekki frá því í drottningarviðtali á síðum mbl.is.

[Jóhannes Ragnarsson, 19.10.2018 kl. 19:18]

Um leið og ég lýsi mig alsaklausan af stuðningi við deiluaðila, þá get ég mér þess til að rifrildisgangur frú Tomm og þeirra út í Jón Steinar nú stafi af því að hann hefir tekið að sér að verja kallinn sem rekinn var fyrir kjaftbrúk á netinu úr HR. Þar á undan efur Jón eitthvað verið í því að verja fleiri leiðindakalla.