Jóhannes Ragnarsson

14.11.2018 | 20:59

Ólíkt hafast íhöldin að - og sjúklingar í ranni frú Ingveldar

Merkilegt að breska íhaldið virðist ekkert vilja með frjálshyggjuauðvaldsbáknið ESB hafa og er nú í óðaönn að vinna að því að frelsa Bretland frá þessu auma ný-frjálshyggjuhelvíti. Á sama tíma hefur íslenskur sjúklingahópur, undirlaðgur af krataeðlinu, varla opnað kjaftinn öðruvísi en að reka áróður fyrir því að Ísland gefi sig þessum óskapnaði á vald; þeirra ræður byrja flestar sona: ,,Fyrst þurfum við að taka upp evru og ganga í ESB áður en við hugum að nokkru öðru; merkilegt að þessi endemi geti dregið andan öðruvísi en að ganga fyrst í ESB og taka upp evru. Nú vitum vér ekki fremur en aðrir hvað gera skal við sona sjúklingahóp, þetta er hvimleið plága, minnir á lús, fladdara, kláðamaur og annan slíkan óþverra.

En látum vera með krataeðlisveslingana, þeir fá sinn dóm og verður kastað í eldsofninn, svo maður taki sér í munn biflíutilvitnun. Á helgarsamkomu að heimili frú Ingveldar og Kolbeins kom eitt sinn fámennur hópur af krataeðlissjúklingum. Ekki báru aðrir samkvæmisgestir meiri virðingu fyrir veiku fólki en svo, að þeir gerðu hróp að greyjunum og Óli Apaköttur kallaði þau lostahróka og ólifnaðardrasl. Krataeignirnar brugðust við með því að koma sér í mjúkinn hjá frú Ingveldi og hennar nánustu á auðvirðilegan hátt, sem lauk með því að þær vóru allar orðnar berrassaðar og þá var þeim komið í umsjá Trugga Fokk og Viggu Sleggju, sem fóru með dauðveika krataeðlissjúklingana, alsbera og grénjandi, upp á loft og létu þær taka þátt í óguðlegu athæfi. Þannig fór fyrir veslings kratagemlingunum í það skipti og þannig fer yfirleitt fyrir þeim ef þeir bera sig til við að steyta görn.

Og í gærkvöldi slógust Kolbeinn og Indriði Handreður um hvor þeirra ætti að fara á undan upp í til frú Ingveldar. Því miður lágu þeir báðir í valnum að átökum loknum, svo frú Ingveldur varð að skakklappast fram úr, kasta yfir sig kjólgopanum og hella sér svartadauða í glas. Að því loknu kvað hún:

Andskotinn gaf mér auma ræfla,
andstyggðar bölvaða mannleysudjöfla.
Hvað skal einn einmanna kvennmannstuska
með tvo rotaða ónytjunga?
Fleygja þeim fyrir hrafn og örn?
Og fá sér unga apalinga,
af kynjum báðum, freistandi væri.